கிருஷ்ணகிரி
பர்கூர் அருகே உள்ள ஒரு தனியார் பள்ளி மாணவியை பலாத்காரம் செய்ததாக கைது செய்யப்பட்டுள்ள சிவராமன் தற்கொலைக்கு முயன்றுள்ளார்.
போலி என்.சி.சி பயிற்சியாளர் சிவராமன் கிருஷ்ணகிரி மாவட்டம் பர்கூர் அருகே கந்திக்குப்பத்தில் உள்ள தனியார் பள்ளியில் போலியாக என்.சி.சி. முகாம் நடத்தி 13 மாணவிகளை பாலியல் ரீதியாக தொந்தரவு செய்ததுடன், 12 வயது சிறுமியை பாலியல் வன்கொடுமை செய்துள்ளார். போலி என்.சி.சி. முகாம் நடத்தி சிறுமியை பாலியல் வன்கொடுமை செய்த சிவராமன், போக்சோ சட்டத்தின் கீழ் கைது செய்யப்பட்டு மருத்துவமனையில் அனுமதிக்கபட்டுள்ளார்.
மாணவிக்கு இழைக்கப்பட்ட இந்த கொடூரம் பற்றி தெரிந்தும் அதை மறைக்க முயற்சி செய்த பள்ளியின் முதல்வர், தாளாளர் உட்பட 11 பேரை போக்சோ சட்டத்தின் கீழ் போலீசார் கைது செய்துள்ளனர். தமிழக முதல்வர் மு க ஸ்டாலின் பள்ளி மாணவி பாலியல் வன்கொடுமை செய்யப்பட்ட வழக்கை 15 நாளில் சிறப்பு புலனாய்வுக் குழு விசாரித்து முடிக்க மு.க.ஸ்டாலின் உத்தரவிட்டுள்ளார்.
மேலும் தமிழக முதல்வர் மு.க.ஸ்டாலின், இந்த சம்பவம் தொடர்பாக முழு விசாரணை நடத்தி குற்றவாளிகளுக்கு உரிய தண்டனை பெற்று தரும் வகையில், காவல்துறை தலைவர் பவானீஸ்வரி தலைமையில் சிறப்பு புலனாய்வு குழு ஒன்றும், பாதிக்கப்பட்ட மாணவிகள் அவர்கள் பெற்றோரை கலந்து ஆலோசித்து அவர்களின் நலம் காத்திட சமூக நலத்துறை செயலாளர் ஜெயஸ்ரீ முரளிதரன் தலைமையில் 7 பேர் கொண்ட குழுவையும் அமைத்து உத்தரவு பிறப்பித்திருந்தார்.
இன்று ஜெயஸ்ரீ முரளிதரனும், புலனாய்வுக் குழுவின் தலைவர் காவல்துறை அதிகாரி பவானீஸ்வரியும் செய்தியாளர்களிடம்.
“பள்ளி மாணவியை பாலியல் வன்கொடுமை செய்த போலி என்.சி.சி. பயிற்சியாளர் சிவராமன் மீது மேலும் ஒரு பாலியல் வழக்குப்பதிவு செய்யப்பட்டுள்ளது. இந்த சம்பவம் குறித்தும், இது போல மற்ற சம்பவங்கள் நடந்திருந்தால் அதையும் கண்டுபிடித்து சட்டப்படி நடவடிக்கை எடுத்து, விரைவாகக் குற்றப்பத்திரிக்கை தாக்கல் செய்வோம்.
கிருஷ்ணகிரி மாவட்டத்தில் எந்தவித என்.சி.சி முகாமும் நடத்த அனுமதி இல்லை என்று சொல்கிறார்கள். ஆனால் இதை மீறி நான்கைந்து பள்ளிகளில் இது போலப் போலியாக முகாம்கள் நடத்தப்பட்டுள்ளன.
பள்ளி கல்வித்துறை அதிகாரிகள் மீது நடவடிக்கை எடுப்பது தொடர்பாக விசாரணைக்குப் பின்பு தான் முழுமையாகச் சொல்ல முடியும் கைது செய்வதற்கு முன்பு சிவராமன் தற்கொலைக்கு முயன்றுள்ளார். அதனால் மருத்துவர்களின் ஆலோசனையின் படி அவரை மருத்துவமனையில் அனுமதித்துள்ளோம்”
என்று கூறியுள்ளனர்..