ரஜினிகாந்த் நடித்த ஜெயிலர் பட பாணியில் சிங்கப்பூர் காவல் துறை வெளியிட்டுள்ள தீபாவளி வாழ்த்து வீடியோ தற்போது சமூக வலைதளத்தில் வைரலாகி வருகிறது.
இந்தியா முழுவதும் ஒருசேர ஒரே நாளில் ஒரே பெயரில் கொண்டாடப்படும் பண்டிகையாக தீபாவளி திருநாள் உள்ளது.
உலகின் பல்வேறு நாடுகளில் வாழ்ந்துவரும் இந்தியர்கள் தீபாவளி பண்டிகையை கொண்டாடி வருவதை அடுத்து இது இந்தியர்களின் பண்டிகையாக அறியப்படுகிறது.
அமெரிக்கா, கனடா உள்ளிட்ட மேற்கத்திய நாடுகளிலும் தீபாவளி பண்டிகை விமரிசையாக கொண்டாடப்படுவதுடன் சில இடங்களில் உள்ளூர் விடுமுறையும் அறிவிக்கப்படுகிறது.
அந்தளவு பிரபலமாக கொண்டாடப்படும் தீபாவளி பண்டிகையை சிங்கப்பூரில் உள்ள இந்தியர்களும் கொண்டாடும் வகையில் அந்நாட்டு அரசு மற்றும் காவல்துறை பல்வேறு நடவடிக்கைகளை மேற்கொண்டுள்ளது.
சிங்கப்பூரில் உள்ள லிட்டில் இந்தியா என்று அழைக்கப்படும் இந்தியர்கள் அதிகம் வாழும் பகுதியில் இன்று (அக் 30) முதல் போக்குவரத்து மாற்றங்கள் செய்யப்பட்டு திருவிழாக் கோலம் பூண்டுள்ளது.
https://x.com/surbalutwt/status/1851598921321373929
அக்டோபர் 30 மாலை முதல் நவம்பர் 1 அதிகாலை வரை இந்த பகுதியைச் சுற்றி மது விற்பனைக்கும் தடை விதிக்கப்பட்டுள்ளது.
இந்த நிலையில், ரஜினிகாந்த் நடித்த ஜெயிலர் படத்தை ரீ-கிரியேட் செய்து சிங்கப்பூர் காவல் துறை வெளியிட்டுள்ள ஒரு ஸ்பெஷலான தீபாவளி வாழ்த்து வீடியோ சமூக வலைதளத்தில் வைரலாகி வருகிறது.