சேலம்: சேலம் அருகே தேசிய நெடுஞ்சாலையில் பயங்கர விபத்து ஏற்பட்டது. இதில் ஒருவர் பலியாகி உள்ளார்.
சேலம் அருகே கோவை-சேலம் தேசிய நெடுஞ்சாலையில் தனியார் பேருந்து இரு சக்கர வாகனத்தின் மீது மோதி தலைக்குப்புற கவிழ்ந்து விபத்துக்குள்ளானது. உடனே பேருந்து தீ பிடித்ததால், பயணிகள் அலறியடித்துக்கொண்டு வெளியேறினர். இந்த விபத்தில் ஒருவர் உயிரிந்ததாக கூறப்படுகிறது.
இன்று அதிகாலை சேலம் சங்ககிரி அருகே கோவை-சேலம் தேசிய நெடுஞ்சாலையில் தனியார் ஆம்னி பேருந்து இரு சக்கர வாகனத்தின் மீது மோதி தலைக்குப்புற கவிழ்ந்து விபத்துக்குள்ளானது. பேருந்து கவிழ்ந்தவுடன் தீப்பிடித்து எறியத் தொடங்கிய நிலையில், உள்ளே இருந்த 20-க்கும் மேற்பட்ட பயணிகள் லேசான காயத்துடன் உடனடியாக மீட்கப்பட்டனர்.
இருசக்கர வாகனத்தில் மோதிய நபர் சம்பவ இடத்திலேயே உயிரிழந்தார். விபத்து குறித்து சங்ககிரி டிஎஸ்பி ராஜா தலைமையிலான காவல்துறையினர் விசாரணை மேற்கொண்டுள்ளனர். இந்த சம்பவம் அந்த பகுதியில் பரபரப்பை ஏற்படுத்தி உள்ளது.