டில்லி
நடந்து முடிந்த 7 சட்டசபை தொகுதிகள் இடைத் தேர்தல் முடிவுகள் வெளியாகி உள்ளன.
கடந்த 5 ஆம் தேதி கேரளாவில் உம்மன்சாண்டி மறைவால் காலியான புதுப்பள்ளி தொகுதி, திரிபுராவில் 2 தொகுதிகள், ஜார்க்கண்ட், மேற்கு வங்காளம், உத்தரப் பிரதேசம், உத்தரகாண்ட் ஆகிய மாநிலங்களில் காலியாக உள்ள தலா ஒரு தொகுதி என மொத்தம் 7 தொகுதிகளுக்கு இடைத்தேர்தல் நடத்தப்பட்டது.
இவ்வாறு இடைத்தேர்தல் நடத்தப்பட்ட தொகுதிகளில் உத்தரப் பிரதேசத்தின் கோசி தொகுதி சட்டமன்ற உறுப்பினர். தாராசிங், தனது பதவியை ராஜினாமா செய்துவிட்டு பா.ஜ.க.வில் இணைந்ததால் அந்த இடம் காலியானது. ஆனால் மற்ற தொகுதிகளின் உறுப்பினர்கள் மறைவால் அந்த இடங்கள் வெற்றிடமாகின.
இடைத்தேர்தலில் பதிவான வாக்குகளின் எண்ணிக்கை இன்று காலை 8 மணிக்குத் தொடங்கி நடைபெற்று வருகிறது.
கேரளாவின் புதுப்பள்ளி தொகுதியில் காங்கிரஸ் கட்சி வெற்றியை உறுதி செய்துள்ளது. உத்தரப் பிரதேசத்தின் கோசி தொகுதியில் சமாஜ்வாதி கட்சியும், ஜார்க்கண்ட் மாநிலத்தின் தும்ரி தொகுதியில் ஏ.ஜே.எஸ்.யூ. கட்சியும் முன்னிலை வகித்து வருகின்றன.
திரிபுரா மாநிலம் போக்சாநகர், தன்பூர் தொகுதிகளில் பா.ஜ.க. வெற்றியை உறுதி செய்துள்ளது. மதிய நிலவரப்படி மேற்கு வங்காளத்தின் துக்புரியில் திருணாமுல் , உத்தரகாண்ட் மாநிலத்தின் பாகேஸ்வர் தொகுதியில் பா.ஜ.க. முன்னிலை வகிக்கிறது.