நந்தர்பார்
பிரதமர் மோடிக்கு அரசியலைமைப்பு என்பது வெறும் புத்தகமாக தெரிவதாக காங்கிரஸ் தலைவர் ராகுல் காந்தி கூறியுள்ளார்.
மகாராஷ்டிர சட்டபை தேர்தலையொட்டி நந்தர்பார் தொகுதியில் நடந்த பொதுக்கூட்டத்தில் காங்கிரஸ் தலைவர் ராகுல் காந்தி..
”பிரதமர் நரேந்திர மோடி தனது வாழ்க்கையில் இந்திய அரசியலமைப்பச் சட்டத்தை படித்திருக்கமாட்டார். அதனால், அவருக்கு அரசியலமைப்பு வெற்று புத்தகமாகத் தெரிகிறது. அரசியலமைப்பு வெறுமையானது அல்ல. ஆயிரம் ஆண்டுகால சிந்தனைகளை உள்ளடக்கியுள்ளது.
இதில் என்ன எழுதப்பட்டுள்ளது என்பது அவருக்குத் தெரியாது. அதனால்தான் இதனை வெற்றுப் புத்தகம் என்கிறார். ராகுல் சிவப்பு புத்தகத்தை காண்பிப்பதாக மோடி பேசுகிறார். இது எந்த வண்ணத்தில் உள்ளது என்பது எங்களுக்கு முக்கியமல்ல. அதில் என்ன எழுதப்பட்டுள்ளது என்பதே முக்கியம்.
இது எதைப் பிரதிநிதித்துவப்படுத்துகிறதோ அதற்காக உயிரையும் கொடுக்கத் தயாராகவுள்ளோம். மோடி 25 பணக்காரர்களின் ரூ.16 லட்சம் கோடி கடனை தள்ளுபடி செய்துள்ளார். ஆனால் ஏழைகள் மற்றும் விவசாயிகளின் கடன்களை அவர் தள்ளுபடி செய்யவில்லை.
மணிப்பூர் மாநிலம் ஒரு ஆண்டுக்கும் மேலாக எரிந்து கொண்டிருக்கிறது. ஆனால் பிரதமர் மோடி அங்கு செல்லவில்லை. அரசியலமைப்பை படித்திருந்தால் இப்படி நடந்து கொள்ள மாட்டார்.
காங்கிரஸ் கூட்டணி தேர்தல் அறிக்கையின்படி பெண்கள், விவசாயிகள் மற்றும் இளைஞர்களுக்கு ரூ.3 ஆயிரம் மாதாந்திர நிதி உதவி, பெண்களுக்கு பஸ்சில் இலவச பயணம், ரூ.3 லட்சம் விவசாய கடன் தள்ளுபடி, வேலையில்லா இளைஞர்களுக்கு மாதம் ரூ.4 ஆயிரம் போன்ற நலத்திட்டங்கள் வழங்கப்படும்.”
என்று உரையாற்றியுள்ளார்.