முன்னதாக, மத்திய நிதியமைச்சகத்திற்கு காலை 8.45 மணிக்கு நிர்மலா சீதாராமன் வருகை தந்தார். தொடர்ந்து சம்பிரதாய முறைப்படி பட்ஜெட்டை தாக்கல் செய்வதற்கு முன் குடியரசுத் தலைவர் ராம்நாத் கோவிந்தை நிர்மலா சீதாராமன் சந்தித்தார். இதையடுத்து, அவர் நாடாளுமன்றத்துக்கு வருகை புரிந்தார். நாடாளுமன்ற வளாகத்தில் உள்ள பிரதமரின் அறையில் மத்திய அமைச்சரவை கூட்டம் நடைபெற்றது. இதில் பிரதமர் மோடி, உள்துறை அமைச்சர் அமித் ஷா உள்ளிட்ட மூத்த அமைச்சர்கள் கலந்து கொண்டனர். இந்த கூட்டத்தில் பட்ஜெட்டுக்கு ஒப்புதல் வழங்கப்பட்டது. அதைத் தொடர்ந்து காலை 11 மணி அளவில் நாடாளுமன்ற மக்களவையில் பட்ஜெட் தாக்கல் செய்யப்பட்டது.
ஒவ்வொரு ஆண்டும் பட்ஜெட் தாக்கல் செய்வதற்கு முன்னதாக மத்திய அமைச்சரவை கூட்டம் நடைபெறும் நிதியமைச்சரால் நாடாளுமன்றத்தில் பட்ஜெட் தாக்கல் செய்யப்படுவதற்கு முன்பு அமைச்சரவை முதலில் ஒப்புதல் அளிப்பது வாடிக்கையானது.