சென்னை
சென்னை நகரில் இன்று ஒரு லிட்டர் பெட்ரோல் விலை ரூ.100 ஐ தாண்டி உள்ளது.
பெட்ரோல் மற்றும் டீசல் விலையை தினசரி எண்ணெய் நிறுவனங்கள் மாற்றி அமைத்து வருகின்றன. உலக சந்தையில் கச்சா எண்ணெய் விலை மற்றும் டாலருக்கு நிகரான இந்திய ரூபாய் மதிப்பு ஆகியவற்றின் அடிப்படையில் விலை நிர்ணயம் செய்யப்படுவதாக கூறப்படுகிறது.
கடந்த சில நாட்களாக பெட்ரோல் மற்றும் டீசல் விலை நாளுக்கு நாள் உயர்ந்து வருகிறது. தமிழகத்தில் பல மாவட்டங்களில் சில நாட்களாக பெட்ரோல் விலை லிட்டருக்கு ரூ.100 க்கு மேல் விற்பனை ஆகின்றது.
இந்நிலையில் இன்று சென்னை நகரிலும் பெட்ரோல் விலை ரூ.100 ஐ தாண்டி உ:ள்ளது. இன்றைய நிலவரப்படி பெட்ரோல் லிட்டருக்கு 100 ரூபாய் 33 காசுகள் என்னும் விலையில் விற்கப்படுகின்றன. ஆனால் கடந்த 4 நாட்களாக டீசல் லிட்டருக்கு ரூ.93.72 ஆகவே உள்ளது.