சென்னை: ஐஐடியில் இணையவழி பி.எஸ்சி. படிப்புக்கு செப்டம்பர் 15ந்தேதி வரை விண்ணப்பிக்க அவகாசம் வழங்கப்பட்டு உள்ளதாக அறிவிக்கப்பட்டு உள்ளது.
சென்னை ஐஐடி உருவாக்கியுள்ள பி.எஸ்.சி (ஆன்லைன் புரோகிராமிங் அண்ட் டேட்டா சயின்ஸ்)(BSc – programming and data science) இணையவழிப் பட்டப்படிப்பு 2020 – 21-ஆம் கல்வியாண்டு முதல் நடைமுறைப்படுத்தப்பட்டுள்ளது.
ஐஐடியில் பட்டப்படிப்பு பயில, பொதுவாக நுழைவு தேர்வு எழுத வேண்டியது கட்டாயம். ஆனால், இந்த ஆண்டு அறிமுகம் செய்யப்பட்டுள்ள பிஎஸ்சி ஆன்லைன் படிப்புக்கு ஜேஇஇ தோ்வு எழுத வேண்டிய அவசியம் இல்லை என அறிவிக்கப்பட்டு உள்ளது.
மேலும், இந்த இணையவழி பட்டப்படிப்பு 3 நிலைகளை கொண்டுள்ளது. அதன்படி, அடிப்படை பட்டப் படிப்பு, டிப்ளமோ பட்டம், இளநிலைப் பட்டப்படிப்பு என தெரிவிக்கப்பட்டு உள்ளது.
இந்த, மூன்று நிலைகளில் எந்த கட்டத்திலும் மாணவா்கள் வெளியேறி, அதற்கான சான்றிதழை பெற்றுக் கொள்ளலாம் என்றும், பிற கல்லூரிகளில் வேறு பிரிவுகளில் பட்டப்படிப்பில் சோ்ந்துள்ள மாணவா்கள், ஐஐடியில் இந்த பட்டப்படிப்பை படிக்கலாம் என்றும் அறிவிக்கப்பட்டு உள்ளது.
இந்த படிப்பில் சேர விருப்பமுள்ள மாணவா்கள் செப்டம்பா் 15-ஆம் தேதி வரை விண்ணப்பிக்கலாம் என்று சென்னை ஐஐடி நிர்வாகம் அறிவித்துள்ளது.
இதுதொடா்பான கூடுதல் விவரங்களை www.onlinedegree.iitm.ac.in என்ற இணையதளத்தில் அறிந்து கொள்ளலாம்.