சென்னை: ஃபெங்கல் புயல் காரணமாக, சென்னையில் அனைத்து முன்னெச்சரிக்கை நடவடிக்கைகள் எடுக்கப்பட்டு உள்ளதாகவும், பொதுமக்களுக்கு தேவையான அனைத்து ஏற்பாடுகளும்தயாராக இருப்பதாக சென்னை மாநகராட்சிஆணையர் குமரகுருபரன் தெரிவித்து உள்ளார்.
மேலும், பொதுமக்கள் பூங்கா, கடற்கரை போன்ற சுற்றுலா தலங்கள் மூடப்பட்டுஉள்ளதாகவும், தனியார் மற்றும் மென்பொருள் நிறுவன பணியாளர்கள் வீட்டில் இருந்தே பணி செய்ய அறிவுறுத்தப்பட்டு உள்ளதுடன், பொதுமக்கள் வெளியே செல்வதை தவிர்க்குமாறு அறிவுறுத்தப்பட்டு உள்ளது.
பெங்கல் புயல் காரணமாக சென்னையில் எடுக்கப்பட்டு வரும்முன்னெச்சரிக்கை நடவடிக்கைகள் குறித்தும், ழை பாதிப்பு மீட்பு உபகரணங்களை கூடுதல் காவல் ஆணையர் நரேந்திரன் நாயர் (வடக்கு) போலீஸ் அதிகாரிகளுடன் சென்று நேற்று ஆய்வு மேற்கொண்டனர். இதைத்தொடர்ந்து, மழை பாதிப்பு மீட்பு பணியில் ஈடுபடுவதற்காக சென்னையில் உள்ள 12 காவல் மாவட்டத்திலும் காவல்துறை சார்பில் பிரத்யேக கட்டுப்பாட்டு அறைகள் அமைக்கப்பட்டுள்ளன என ஆணையர் ஜெ.குமரகுருபரன் தெரிவித் துள்ளார்.
இதுதொடர்பாக அவர் கூறியதாவது: புயல் முன்னெச்சரிக்கை பணிகளில் 22 ஆயிரம் பணியாளர்கள் ஈடுபடுத்தப்பட்டுள்ளனர்.
உணவு, குடிநீர், கழிவறை உள்ளிட்ட அடிப்படை வசதிகளுடன் 329 நிவாரண மையங்கள் தயார் நிலையில் உள்ளன.
120 சமையல் கூடங்களும், போதிய மளிகை மற்றும் காய்கறிகளுடன் தயாராக உள்ளன.
மாநகராட்சியின் 36 படகுகள் உள்பட 103 படகுகள், தேவையான இடங்களில் தயாராக நிறுத்தப்பட்டுள்ளன.
100 குதிரைத்திறன் கொண்ட 134 ராட்சதமோட்டார்கள் உள்பட 1686 மோட் டார்கள், முக்கிய இடங்களில் நிறுத்தப்பட்டுள்ளன.
466 டிராக்டர்களில் பொருத்தப்பட்ட மோட்டார்களும் தயாராக உள்ளன.
262 மர அறுவை இயந்திரங்கள், 9 ஹைட்ராலிக் மர அறுவை இயந்திரங்களும் தயார் நிலை யில் உள்ளன.
இவ்வாறு அவர் கூறினார்.
புயல் முன்னெச்சரிக்கை நடவடிக்கையாக சென்னை மாநகராட்சி பராமரித்து வரும் 835 பூங்காக்கள் மற்றும் கடற்கரைப் பகுதிகள் அனைத்தும் இன்று மூடப்படுகிறது என மாநகராட்சி ஆணையர் அறிவித்துள்ளார். சென்னை மெட்ரோ ரயில் நிறுவனம் வெளியிட்ட அறிக்கையில், ‘மழைநீர் தேங்குவதன் காரண மாக பரங்கிமலை, அரும்பாக்கம் ஆகிய மெட்ரோ ரயில் நிலைய வாகன நிறுத்தங்களை பொதுமக்கள் இன்று (நவ.30) பயன்படுத்த வேண்டாம்.
அடுத்தடுத்த நாட்களில் வாகன நிறுத்தங்களை பயன்படுத்தலாமா என்பது குறித்து வானிலை நிலவரத்தை அறிந்து தகவல் தெரிவிக்கப் படும்’’ என கூறப்பட்டுள்ளது. வண்டலூர் அண்ணா உயிரியல் பூங்கா இன்று செயல்படாது என அறிவிக்கப் பட்டுள்ளது.
