சென்னை:
டிடிவி அணியை சேர்ந்தவர்கள் யாரும் அதிமுக கரை வேட்டி கட்டினால், அந்த வேட்டியை உருவுங்கள் என்று அமைச்சர் மணிகண்டன் ஆவேசமாக பேசினார்.
தமிழகம் முழுவதும் மறைந்த தமிழக முதல்வர் ஜெயலிதாவின் 70வது பிறந்தநாள் விழா பொதுக்கூட்டம் நடைபெற்று வருகிறது. இந்நிலையில் ராமநாதபுரம் அரண்மனை அருகே நடைபெற்ற பொதுக்கூட்டத்தில் தமிழக அமைச்சர் மணிகண்டன் கலந்துகொண்டு பேசினார்.
அவர் பேசும்போது, டிடிவி தினகரன் மற்றும் அவரது ஆதரவாளர்களை கடுமையாக சாடினார். மேலும், எடப்பாடி குறித்து புகழ்ந்து பேசிய அவர், எந்தக் கோரிக்கையை வைத்தாலும் உடனுக்குடன் அதை நிறைவேற்றி தருவதாக வும் கூறினார்.
தொடர்ந்து பேசிய அவர், டிடிவி தரப்பினர் யாரேனும், அ.தி.மு.க கரைவேட்டி கட்டினால், அந்த வேட்டியை உருவி எறியுங்கள் என்றும், அதிமுக கரை வேட்டி கட்டுவதற்கும், அதிமுக கொடியை பயன்படுத்துவதற்கும் அதிமுகவினருக்கு மட்டுமே உரிமை உள்ளது என்றும் அவர் ஆவேசமாக பேசினார்.