சென்னை: உள்கட்சி மற்றும் கூட்டணிகட்சகிள் தொடர்பான கருத்து வேறுபாடுகளை யாரும் சமூக வலைதளங்களில் பதிவிடக் கூடாது என விசிகவினருக்கு திருமாவளவன் எச்சரிக்கை விடுத்தள்ளார். மேலும், தொலைக்காட்சி விவாதங்களில் கலந்துகொள்ள கட்சி தலைமையின் அனுமதி பெற வேண்டும் என்றும் அறிவித்துள்ளார்.
விசிகவில் உள்ள முக்கிய நிர்வாகிகளிடையே அரசியல் கண்ணோட்டத்தில் மாறுபாடு இருப்பது ஆதவ் அர்ஜூனாவின் விமர்சனம் மூலம் அம்பலமானது. கூட்டணி கட்சியான திமுகவை ஆதவ் அர்ஜூனா நேரடியாக விமர்சனத்து ஆதரவும் எதிர்ப்பும் எழுந்த நிலையில், அவரை திருமா சஸ்பெண்டு செய்தார். இதைடுத்து, அவரும் தவெகவில் போய் இணைந்துகொண்டார். அதுமுதல் கட்சியினரிடையே சலசலப்பு அதிகரித்து காணப்படுகிறது. இதனால், விசிக மீதான மக்களின் நம்பகத்தன்மை கேள்விக்குறியாகி வருகிறது.
இந்த நிலையில், கட்சியினருக்கு பல்வேறு கட்டுப்பாடுகளை விதித்துவிசிக தலைவர் திருமா உத்தரவிட்டு உள்ளார். அவர் வெளியிட்டுள்ள வீடியோவில், கட்சி கட்டுப்பாடு என்பது மிக முக்கியமானது. கட்சி வளர்ச்சி அடையும் போது, முன்னணி தலைவர்கள் இடையே முதிர்ச்சி வெளிப்பட வேண்டும். கட்சியில் ஒவ்வொரு வரும் கட்டுப்பாடுகளோடு செயல்பட வேண்டும்; அந்த கட்டுப்பாடு, பிறருக்கு முன் மாதிரியாக இருக்க வேண்டும்.
ஆனால், முன்னணி பொறுப்பாளர்களே சமூக வலைதளங்களில், இஷ்டத்துக்கும் பதிவிடுகின்றனர். அது கட்சிக்கும், தலைமைக்கும் களங்கத்தை ஏற்படுத்துகிறது. இதனால், கடும் மன வேதனையில் இருக்கிறேன். வெந்த புண்ணில் வேல் பாய்ச்சுவது போல், கட்சியினரின் செயல்பாடுகள் உள்ளன. கட்சி முன்னணியினரின் செயல்பாடுகளால் காயம் பட்டிருக்கிறேன். கட்சிக்குள், ஒருவருக்கு மற்றொருவர் முரண்பாடு களுடன் இருக்கலாம். அதற்காக, முரண்பட்ட கருத்துகளையெல்லாம் சமூக வலைதளங்களில் பகிர்வது, கட்சிக்கு நல்ல தல்ல. அப்படிப்பட்ட கருத்துகளை இனி, கட்சி யினர் யாரும் பதிவு செய்யக் கூடாது. எல்லா விஷயங்களிலும் கட்சியினர் கவனமாக இருக்க வேண்டும்.
யு டியூப் சேனலில் பேச அழைக்கின்ற னர் என்றதும், சுய விளம் பரத்துக்காக எதைப் பற்றியும் கவலைப்படாமல் போய் விடக்கூடாது. பேச அழைப்பவர்கள், என்ன நோக்கத்திற்காக அழைக்கின்றனர் என பார்க்காமல், வாய்ப்பு கிடைக்கிறதே என்று செல்வதும், அங்கு சென்று இஷ்டத்துக்கு பேசுவதும் கவலைக்குரியது.
யார் பேட்டிக்கு அழைத்தாலும், கட்சித் தலைமையின் அனுமதி பெற்றே செல்ல வேண்டும். என்னை பொறுத்த வரை, வரும் 2026-ல் நடக்கவிருக்கும் சட்ட சபைத் தேர்தல் வரை, கட்சி முன்னணியினர், யூ-டியூப் சேனல்களுக்கு பேசச் செல்லாமல் இருப்பதோடு பேட்டி கொடுக்காமலும் இருப்பது நல்லது. வாய்ப்பு வந்தாலும் தவிர்க்க வேண்டும்.
இவ்வாறு அவர் கூறி உள்ளார்.