சென்னை
நடிகை நயன்தாரா தனது அடுத்த படத்தில் நடிகர் கவினுடன் ஜோடி சேர்கிறார்.
நடிகர் கவின் தமிழ் திரையுலகில் லிப்ட், டாடா மற்றும் ஸ்டார் என தொடர்ந்து வெற்றி படங்களில் நடித்துள்ளார். இந்நிலையில் கவின் லோகேஷ் கனகராஜிடம் உதவி இயக்குனராக பணிபுரிந்த விஷ்ணு எடவனின் இயக்கத்தில் ஒரு புதிய படத்தில் நடித்து வருகிறார். படத்தை 7 ஸ்கிரீன் ஸ்டூடியோ தயாரிக்கிறது.
ஏற்கனவே இந்த படத்தில் நயன்தாரா முக்கிய கதாபாத்திரத்தில் நடிக்கிறார் என்ற தகவல் வெளியானது. இதனை உறுதிப்படுத்தும் விதமாக நடிகை நயன்தாரா மற்றும் கவின் ஆகிய இருவரும் தங்களின் இன்ஸ்டாகிராம் பக்கத்தில் புகைப்படம் ஒன்றை வெளியிட்டுள்ளனர். அந்த புகைப்படத்துடன் ‘ஹாய்’ என்றும் குறிப்பிட்டுள்ளனர்.
அந்த புகைப்படம் தற்போது வைரலாகி வருகிறது. ஆயினும் இதுவரை படத்தின் அதிகாரபூர்வ அறிவிப்பு எதுவும் வெளியிடப்படவில்லை. இப்போது நயன்தாரா தற்போது நிவின் பாலியுடன் ‘டியர் பிரெண்ட்ஸ்’ என்ற மலையாள படத்திலும் கவின், நெல்சன் திலிப்குமார் தயாரிப்பில் ‘பிளடி பெக்கர்’ என்ற திரைப்படத்திலும், வெற்றிமாறன் தயாரிப்பில் ‘மாஸ்க்’ திரைப்படத்திலும் நடித்து வருகின்றனர்.