பிரபல தெலுங்கு நடிகர் நானி நடிக்கும் ‘தசரா’ படத்தில் முக்கிய கதாபாத்திரத்தில் நடிக்க சமந்தா ஒப்பந்தமாகியுள்ளதாக தகவல் வெளியாகியுள்ளது.
இதில், நானிக்கு ஜோடியாக கீர்த்தி சுரேஷ் நடிக்கவுள்ளார். இயக்குநர் ஸ்ரீகாந்த் ஓடிலா இயக்கும் இப்படத்தின் மோஷன் போஸ்டர் அண்மையில் வெளியாகி நல்ல வரவேற்பை பெற்றது.
இந்நிலையில் ‘தசரா’ படத்தின் முக்கிய கதாபாத்திரத்தில் நடிப்பதற்கு சமந்தாவிடம் நடந்த பேச்சுவார்த்தையில் இறுதி முடிவு எட்டப்பட்டுள்ளதாக கூறப்படுகிறது.
கடந்த 2012ஆம் ஆண்டு இயக்குநர் ராஜமௌலி இயக்கத்தில் வெளியான ‘நான் ஈ’ படத்தில் நானி – சமந்தா இருவரும் இணைந்து நடித்திருந்தது குறிப்பிடத்தக்கது.