2013-ம் ஆண்டு இயக்குனர் ஜீத்து ஜோசப் இயக்கத்தில் மோகன்லால், மீனா ஆகியோர் நடிப்பில் வெளியான ‘த்ரிஷ்யம்’ திரைப்படம் வேற லெவல் ஹிட் அடித்தது.
அந்த படத்தின் வெற்றியை தொடர்ந்து த்ரிஷ்யம் 2 படம் வெளியானது . அனைவரையும் வியக்க வைத்தது த்ரிஷ்யம் 2 திரைப்படம். இரண்டாம் பாகமும் மிகப்பெரிய வெற்றி அடைந்துள்ளது.
த்ரிஷ்யம் முதல் பாகம் தமிழில் பாபநாசம் எனும் பெயரில் கமல்ஹாசன் மற்றும் கவுதமி நடிப்பில் வெளியானது. ஜீத்து ஜோசப்பே தமிழிலும் இயக்கினார். தற்போது த்ரிஷ்யம் 2 வெற்றி அடைந்துள்ளதால் மற்ற மொழிகளிலும் ரீமேக் வேலைகள் சூடு பிடிக்க ஆரம்பித்துள்ளன.
த்ரிஷ்யம் 2 தமிழில் ரீமேக் ஆவது உறுதியாகியுள்ளது. இயக்குனர் கேஎஸ் ரவிக்குமார் இந்தப் படத்தை இயக்கவுள்ளதாகத் தெரிவிக்கப்பட்டுள்ளது.
தெலுங்கில் வெங்கடேஷ் நடிக்க ஜீத்து ஜோசப் இயக்குகிறார். வெங்கடேஷ் நாயகனாக நடிக்கும் இந்தப் படத்தை ராஜ்குமார் மற்றும் சுரேஷ் புரொடக்ஷன்ஸ் இணைந்து தயாரிக்கின்றன.
இத்திரைப்படத்தின் படப்பிடிப்பு தொடங்கிய நிலையில் நடிகை பூர்ணா ஷூட்டிங்கில் கலந்து கொண்ட புகைப்படங்கள் வெளியாகின. அவர் இந்தப் படத்தில் வழக்கறிஞராக நடிக்கிறார். இந்நிலையில் நடிகை நதியாவும் த்ரிஷ்யம் 2 ஷூட்டிங்கில் இணைந்திருக்கிறார். தனக்கு ஒப்ப்னை செய்யும் வீடியோவை இன்ஸ்டாகிராமில் பதிவிட்டு இச்செய்தியை அவர் உறுதிப்படுத்தியுள்ளார்.