சென்னை
முதன் முதலாக சென்னையில் இசையமைப்பாளர் பரத்வாஜ் அக்டோபர் 19 ஆம் தேதி கச்சேரி நடத்த உள்ளார்,
பிரபல இசையமைப்பாளர் பரத்வாஜ் காதல் மன்னன், அமர்க்களம், பார்த்தேன் ரசித்தேன், பாண்டவர் பூமி, ரோஜாக்கூட்டம், ஜெமினி, ஆட்டோகிராப், வசூல்ராஜா எம்பிபிஎஸ், அட்டகாசம், ஐயா, திருட்டுப் பயலே, முனி, அசல் போன்ற படங்கள் உட்பட 50 க்கும் மேற்பட்ட படங்களுக்கு இசையமைத்து, ஹிட் பாடல்களை கொடுத்து தனக்கென தனி இடம் பிடித்தவர் ஆவார்.
சென்னையில் முதல் முறையாக இசையமைப்பாளர் பரத்வாஜின் இசைக்கச்சேரி பிரம்மாண்டமாக நடக்கவிருக்கிறது. இந்த இசைக் கச்சேரியை யோகா அறக்கட்டளை மற்றும் செஸ்ட் எண்டெர்டெயின்மெண்ட் இணைந்து சென்னை பச்சையப்பன் கல்லூரி அருகில் உள்ள ” விங்ஸ் வர்த்தக மையம் ” செயிண்ட் ஜார்ஜ் விளையாட்டு மைதானத்தில் அடுத்த மாதம் 19 ம் தேதி நடத்த உள்ளனர்.
திருப்பூர் ரோட்டரி கிளப், திருப்பூர் சிட்டி முனிசிப்பல் கார்ப்பரேசன் மற்றும் தமிழக அரசுடன் இணைந்து திருப்பூரில் சுமார் பல கோடி செலவில் புற்று நோயாளிகளுக்கான சிறப்பு மருத்துவமனை ஒன்றை கட்டி வருகிறது அந்த மருத்துவமனையை முழுவதுமாக கட்டி முடிக்க பெரிய அளவில் பணத்தேவை இருப்பதால். மக்களிடயே அதற்கான நிதி திரட்ட ப்ரத்வாஜ் இசை நிகழ்ச்சி நடைபெற உள்ளது.
இந்த இசை நிகழ்ச்சிக்கான டிக்கெட்டை பொதுமக்கள் பேடிஎம் இன்சைடர் என்ற இணையதளத்தில் முன்பதிவு செய்யலாம். நேற்று இந்த இசை கச்சேரியின் டிக்கெட் வெளியீட்டு நிகழ்ச்சி நேற்று சென்னையில் நடைபெற்ற போது இயக்குனர் சரண், நடிகை மானு ஆகியோர் கலந்துகொண்டு டிக்கெட்டை வெளியிட்டார்கள்.