மதுரை
தமிழக வெற்றிக் கழகத்தை தடுப்பது திமுகவின் நோக்கமில்லை என அமைசசர் எ வ வேலு தெரிவித்துள்ளார்.
நடிகர் விஜய் தொடங்கி உள்ள தமிழக வெற்றிக் கழகம் கட்சியின் முதல் மாநாட்டுக்கு அனுமதி அளிக்க காவல்துறையினர் பல்வேறு விளக்கம் கேட்டுள்ளனர். இதையொட்டி எதிர்க்கட்சிகள் நடிகர் விஜய் கட்சிக்கு ஆளும் திமுக தேவையில்லாமல் தொல்லை அளிப்பதாக கூறி வருகின்றனர்/
இன்று மதுரையில் அமைச்சர் எ.வ.வேலு செய்தியாளர்களிடம்
“தமிழகத்தில் புதிய கட்சிகள் தொடங்குவது அவர்களின் ஜனநாயக உரிமை. நடிகர் விஜய்யின் கட்சி மற்றும் படத்தை தி.மு.க. தடுக்க முயற்சிக்கிறது என்பது தவறான செய்தி. நடிகர் விஜய் கட்சி தொடங்கியபோது அவருக்கு அமைச்சர் உதயநிதி ஸ்டாலின் வாழ்த்து தெரிவித்தார்.
தமிழகத்தில் எத்தனையோ கட்சிகள் தொடங்கி செயல்படுகின்றன. சில கட்சிகள் தொடங்கி காணாமல் போய்விட்டன. தமிழக வெற்றிக்கழகத்தை தடுத்து நிறுத்துவது தி.மு.க.வின் நோக்கமல்ல.
நாங்கள் யாரைக் கண்டும் பொறாமை கொள்ளமாட்டோம். தடுக்க மாட்டோம், முடிந்தால் வாழ்த்து செல்வோம். மக்களின் உரிமைகளுக்காக உறுதுணையாக இருக்கும் கட்சியை தேர்தலில் மக்கள் ஆதரிக்கின்றனர்.”
என்று தெரிவித்துள்ளார்