கேரள சூப்பர்ஸ்டார் மம்முட்டி, இடதுசாரிகள் அனுதாபி.
அங்கு எப்போது தேர்தல் நடந்தாலும், மம்முட்டி தேர்தலில் நிற்கப்போகிறார் என மலையாளப்பத்திரிகைகள் செய்தி வெளியிடுவது வழக்கம்.
இப்போதும் அது போன்ற செய்திகள் வெளியாகி வருகின்றன.
மம்முட்டி எர்ணாகுளம் ஏரியாவில் பல ஆண்டுகளாக பங்களா கட்டி குடிஇருந்து வருகிறார்.
இதனால் வரும் சட்டப்பேரவை தேர்தலில் அவர் எர்ணாகுளம் மாவட்டத்தில் உள்ள ஏதாவது ஒரு தொகுதியில் இடதுசாரி கூட்டணி சார்பில், போட்டியிடுவார் என செய்தி உலவுகிறது.
மம்முட்டி மார்க்சிஸ்ட் கம்யூனிஸ்ட் ஆதரவு தொலைக்காட்சியின் தலைமை பொறுப்பில் இருக்கிறார்.
ஆனாலும் எல்லா கட்சியிலும் அவருக்கு நண்பர்கள் உண்டு.
“எனவே தேர்தலில் போட்டியிடும் எண்ணம் மம்முட்டிக்கு துளியும் கிடையாது” என அவரது ரசிகர்கள் சொல்கிறார்கள்.
கேரளாவில் இன்னும் இரண்டு மாதங்களில் மூன்று ராஜ்யசபா எம்.பி பதவி இடங்கள் காலி ஆகிறது.
இதில் இரண்டு இடங்களை இடதுசாரிகள் கைப்பற்ற முடியும்.
“மம்முட்டி விரும்பினால் ஒரு இடத்தை அவருக்கு விட்டு கொடுக்க எங்கள் கட்சி தயாராக உள்ளது” என சி.பி.எம். மூத்த தலைவர் ஒருவர் தெரிவித்துள்ளார்.
– பா. பாரதி