தெலுங்கு இளம் நடிகர் மகேஷ்பாபு கைவசம், கணிசமான படங்கள் உள்ளன.
இந்த நிலையில் அவர் ஒரு விளம்பர படத்தில் நடிக்க ஒப்புக்கொண்டுள்ளார்.
அர்ஜுன் ரெட்டி தெலுங்கு படம் மூலம் தென் இந்திய சினிமா உலகில் கவனம் ஈர்த்த இயக்குநர் சந்தீப் ரெட்டி வங்கா, இந்த விளம்பர படத்தை டைரக்டு செய்கிறார்.
இந்த விளம்பர படத்தில் தமன்னாவும் நடித்துள்ளார்.
படத்தின் ஷுட்டிங்கின் போது எடுக்கப்பட்ட ஸ்டில்களை மகேஷ்பாபு, தனது வலைத்தளத்தில் வெளியிட்டுள்ளார்.
ஒரு படத்தில் டெனிம் ஷர்ட் அணிந்து, மாஸ்க் மாட்டிக்கொண்டு இயக்குநர் சந்தீப் ரெட்டியிடம் உரையாடும் காட்சி உள்ளது.
இன்னொரு படத்தில் காமிராமேனுடன் மகேஷ்பாபு விவாதிக்க, அருகில் தமன்னா நிற்கிறார்.
மகேஷ்பாபுவும், தமன்னாவும் இதற்கு முன்பு, “சரிலேறு நீக்கவாறு” படத்தில் நடித்து இருந்தனர்.
தமன்னாவுக்கு, படங்கள் இல்லை, எனவே விளம்பர படத்தில் நடிக்கிறார்.
மகேஷ்பாபு ஏன், விளம்பர படத்தை ஒப்புக்கொண்டார் என்பது தெரியவில்லை.
– பா. பாரதி