நடிகர் விக்ரமின் 60வது படமான ‘மகான்’ திரைப்படம் பிப்ரவரி 10ஆம் தேதி நள்ளிரவு பிரைம் வீடியோவில் வெளியானது.
படத்துக்கு ரசிகர்களிடையே பிளாக்பஸ்டர் வரவேற்பைப் பெற்றுள்ளது. விமர்சகர்களும் படத்தை பாராட்டுகின்றனர்.
“தீப்பொறி பறக்க சீயான் விக்ரம் மீண்டும் ஒரு ப்ளாக்பஸ்டர் வெற்றியுடன் திரும்பியுள்ளார்” என்கின்றனர் திரையுலகினர்.
இந்நிலையில் விக்ரம் ரசிகர்கள் மோட்டார் பைக்கில் தமிழ்நாடு முழுதும் சென்று, மகான் படம் குறித்தும் விக்ரம் நடிப்பை குறித்தும் புகழ்ந்து வருகின்றன்.
இது குறித்து ரசிகர்கள், “மகான் படம் விக்ரம் அவர்களின் 60 வது படம். ஆகவே பல குழுக்களாக நாங்கள் அறுபது பேர் விக்ரம் புகழைப் பரப்பும்படி தமிழ்நாடு முழுதும் பயணமாகிறோம்” என்றனர்.
மேலும், “சென்னை, கோயம்புத்தூர், கன்னியாகுமரி மற்றும் மதுரை முழுவதுமான பகுதிகளில் பைக் ஓட்டி, சியான் விக்ரமின் அன்பையும் நேர்மறை எண்ணத்தையும் மக்களிடம் பரப்பி வருகிறார்கள். இந்திய திரையுலகில் எவருடனும் ஒப்பிடமுடியாத, கதாப்பாத்திரத்திற்குள் புகுந்துகொள்ளும் சீயான் விக்ரமின் திறமையான நடிப்பாற்றலை பாராட்டுவதற்காக ரசிகர்களால் இந்த நிகழ்வு முன்னெடுக்கப்படுகிறது” என்றனர்.
“மகான்” திரைப்படம் தற்போது பிரைம் வீடியோவில் தமிழ், தெலுங்கு மற்றும் மலையாளம் மொழிகளிலும், கன்னடத்தில் மகா புருஷா என்ற பெயரிலும் வெளியாகி உள்ளது.
பிரத்தியேகமாக உலகளவில் ஸ்ட்ரீமிங் செய்யப்படுகிறது.