இயக்குநர் பா.இரஞ்சித்தின் ‘நீலம்’ தயாரிப்பு நிறுவனம் ‘பரியேறும் பெருமாள்’, ‘குண்டு’, ‘ரைட்டர்’ ஆகிய வெற்றிப்படங்களை தயாரித்தது. இவை விமர்சன ரீதியாகவும் பாராட்டுக்களைப் பெற்றன.
இந்நிலையில் யாழி பிலிம்ஸ் நிறுவனத்துடன் இணைந்து குதிரைவால் படத்தை தயாரித்துள்ளது. மனோஜ் லியோனல் இயக்க்தில், கலையரசன், அஞ்சலி பாட்டில் ஆகியோர் முதன்மை கதாபாத்திரங்களில் நடிக்கிறார்கள்.
வசனம் – ராஜேஷ், இசை – பிரதீப் & மார்டின் விசர், ஒளிப்பதிவு- கார்த்திக் முத்துக்குமார்,
படம் குறித்து, இயக்குநர்கள் மனோஜ் லியோனல் ஜாசன் – ஷ்யாம் சுந்தர் ஆகியோர் கூறும்போது, “இந்த படம் வழக்கமான சினிமாவிலிருந்து முற்றிலும் மாறுபட்ட படம்.
உளவியல், ஆழ் மன கற்பனைகள், மற்றும் டைம் டிராவல் குறித்த ஒரு அறிவியல் புனைவுப் படம்.
மேஜிக்கல் ரியலிச சினிமாவாக இந்தக் ‘குதிரை வால்’ படம் இருக்கும்.
இது போன்ற படங்கள் இந்திய அளவிலேயே மிகக் குறைவு.
இது ஒரு புதிய அனுபவத்தை ரசிகர்களுக்கு அளிக்கும்.
படத்தின் பெரும்பாலான காட்சிகள் கிராபிக்ஸ் முறையில் உருவாக்கப்பட்டு உள்ளது.
கலையரசன் மற்றும் அஞ்சலி பாட்டில் இருவரும் சிறப்பான நடிப்பை வெளிப்படுத்தியிருக்கிறார்கள்”என்றனர்.
படக்குழு, “இது போன்ற படங்கள் திரைப்பட விழாக்களிலும், விருதுகளுக்காகவும் திரையிடப்படுவதுண்டு. முதல் முயற்சியாக பொதுமக்களுக்காக திரையரங்குகளில் வெளியிடுகிறோம்” என்கிறது.
‘குதிரை வால்’ திரைப்படம் வரும் மார்ச் 18, வெள்ளியன்று உலகம் முழுவதும் வெளியாக உள்ளது.