கலக்கும் ஐஸ்வர்யா வெர்ஷன் 2.0…
கேரள மாநிலம் இடுக்கியைச்சேர்ந்த பிசிஏ பட்டதாரி அம்ருதா சாஜூ பார்ப்பதற்கு ஐஸ்வர்யா ராய் போன்ற தோற்றத்தைக் கொண்டவர். இவர் ரிலீஸ்க்கு காத்திருக்கும் பிகாஸோ என்னும் படத்தில் நாயகியாக நடித்துள்ளார்.
சமீபத்தில் ராஜீவ் மேனனின் “கண்டுகொண்டேன் கண்டுகொண்டேன்” படம் வெளியாகி 20-வது ஆண்டினை கொண்டாடிய நேரத்தில் இவரது தோழியின் வற்புறுத்தலினால் அப்படத்தில் ஐஸ்வர்யா ராய் நடித்த காட்சிகளை மிமிக் செய்து ஆன்லைனில் வெளியிட அது பெரிதாக ரசிக்கப்பட்டு வைரலானது.
“இவ்ளோ வைரலாகும்னு நான் எதிர்பார்க்கவே இல்லை. எனக்கு இந்த படம் இவ்ளோ ஹிட்டுனும் தெரியாது. ஏதோ என் பிரண்ட் சொன்னாளேனு தான் வீடியோ எடுத்து போட்டேன். இப்போ இந்த வீடியோ பிரபலமாகிட்டதால தொடர்ந்து இருவர் மற்றும் ராவணா போன்ற படங்களிலிருந்து சில காட்சிகளை நடித்து வெளியிட்டிருக்கேன். முக்கியமாக “நறுமுகையே…” பாடலை. எனினும் நான் என்னோட சுய அடையாளத்தை இழக்க விரும்பவில்லை. அதனால என்னோட ஒரிஜினாலிட்டிலிருந்து நான் ஒரு போதும் மாற மாட்டேன்” என்கிறார் அம்ருதா.
தொடர்ந்து இவர் வெளியிட்ட ஐஸ்வர்யா ராய் சாயல் வீடியோக்களால் இப்போது லட்சக்கணக்கான ஃபாலோயர்களுடன் வலம் வருகிறார் இவர். “என் முதல் படம் பிகாஸோ ரிலீஸ்க்கு தயாரா இருக்கு. இப்போ இந்த வீடியோக்களை பார்த்திட்டு புதுப்புது ஆஃபர்கள் நிறைய வருது. பெரிய கம்பெனிகளையும் சேர்த்து. சினிமாவில் என்னோட சொந்த திறமையால் சாதிக்கணும்” என்கிறார் இந்த கேரளத்து ஐஸ்வர்யா ராய்.
– லெட்சுமி பிரியா