முன்னணி நடிகைகளில் ஒருவரான கீர்த்தி சுரேஷ் நாடு முழுவதும் பெரும் ரசிகர்களைப் பெற்றுள்ளார்.
மகாநதி படத்திற்காக தேசிய விருது பெற்ற அவர், தற்போது ’அண்ணாத்த’, தெலுங்கு நடிகர் மகேஷ் பாபுவுடன் ’சர்காரு வாரி பட்டா’, ரங் தே, குட்லக் சாகி மற்றும் சானி காயிதம் ஆகியப் படங்களில் நடித்துக் கொண்டிருக்கிறார்.
இந்நிலையில் தற்போது ரசிகர்களுக்கு ஒரு உண்மையான விருந்தளித்துள்ளார் கீர்த்தி. டோண்ட் ரஷ் என்ற ட்ரெண்டிங் ரீமிக்ஸ் பாடலுக்கு இன்ஸ்டாகிராம் ரீலில் அசத்தலாக டான்ஸ் ஆடியிருக்கிறார் அவர். ’சும்மா கேஷுவலா தம்பியுடன் இவ்வாறு ஆடியதாக’ அதில் குறிப்பிட்டிருக்கிறார் கீர்த்தி சுரேஷ். அந்த வீடியோவுக்கு தற்போது வரை 8.82 லட்சத்துக்கும் அதிகமானவர்கள் விருப்பம் தெரிவித்திருக்கிறார்கள்.