காஞ்சி சங்கர மடத்தின் இளைய பீடாதிபதியாக ஆந்திராவைச் சேர்ந்த கணேச சர்மா டிராவிட் தேர்வு.
இவருக்கு வரும் ஏப்ரல் 30ம் தேதி தீட்சை வழங்கப்படும் என்று சங்கர மடம் அறிவித்துள்ளது.
இதுகுறித்து சங்கரமடம் வெளியிட்டிருக்கும் அறிவிப்பில் :
ஸ்ரீ காஞ்சி காமகோடி பீடாதிபதி ஜகத்குரு பூஜ்யஸ்ரீ சங்கர விஜயேந்திர சரஸ்வதி சங்கராச்சாரியார் சுவாமிகள் காஞ்சிபுரத்தில் அட்சய திருதியை நாளில் (ஏப். 30, 2025) ஸ்ரீ துட்டு சத்ய வெங்கட சூர்ய சுப்ரமணிய கணேச சர்மா டிராவிட்க்கு சன்யாச தீக்ஷை வழங்குகிறார்.
இந்த புனித நிகழ்வு கிமு 482 இல் காஞ்சிபுரத்தில் ஸ்ரீ காஞ்சி காமகோடி பீடத்தை நிறுவிய ஜகத்குரு ஆதி சங்கராச்சாரியாரின் 2534 வது ஜெயந்தி மஹோத்ஸவத்துடன் (மே 2, 2025) ஒத்துப்போகிறது.
ஆந்திரப் பிரதேசத்தின் அன்னவரம் க்ஷேத்திரத்தைச் சேர்ந்த ரிக் வேத அறிஞர் (சலக்ஷண கணபதி) ஸ்ரீ கணேச சர்மா டிராவிட், தெலுங்கானா மாநிலம் நிஜாமாபாத், நிர்மல் மாவட்டம், பாசரா, ஸ்ரீ ஞான சரஸ்வதி தேவஸ்தானத்தில் பணியாற்றினார்.
2006 ஆம் ஆண்டு வேதப் படிப்பில் ஈடுபட்ட காலத்திலிருந்தே, ஸ்ரீ காஞ்சி காமகோடி பீடத்தின் பூஜ்ய ஸ்ரீ சங்கராச்சாரியார் சுவாமிகளின் ஆசிகளையும் தொடர்ச்சியான அருளையும் அவர் பெற்றுள்ளார். அவரது அருளால், ஸ்ரீ கணேச சர்மா டிராவிட் ரிக் வேதத்துடன் கூடுதலாக யஜுர் வேதம், சாமவேதம், ஷடங்காஸ், தசோபநிஷத் ஆகியவற்றையும் முடித்து சாஸ்திரப் படிப்புகளைத் தொடர்ந்து மேற்கொண்டு வருகிறார்.
என்று தெரிவிக்கப்பட்டுள்ளது.
