சென்னை
கமலஹாசன் மற்றும் பார்த்திப்பன் படங்கள் ஒரே நாளில் வெளியாகின்றன.
மக்கள் மத்தியில் இயக்குனர், நடிகர் என பன்முகத்தன்மை கொண்ட பார்த்திபன் தனக்கென தனி இடத்தை பிடித்தவர். இவர் தற்போது குழந்தைகளை மையப்படுத்திய படம் ஒன்றை இயக்கியுள்ளார். ‘டீன்ஸ்’ என்று பெயரிடப்பட்டுள்ள இந்த படத்துக்கு டி.இமான் இசையமைத்துள்ளார்.
பார்த்திபன் தயாரித்து, இயக்கிய ‘ஒத்த செருப்பு’ படம் பல்வேறு விருதுகளை வென்று குவித்தது. பிறகு இவர் தயாரித்து, இயக்கிய ‘இரவின் நிழல்’ ரசிகர்கள் மத்தியில் நல்ல வரவேற்பை பெற்றது. தற்போது இவர் எடுத்த டீன்ஸ் படம் வரும் 12-ந் தேதி வெளியாகும் என படக்குழு அறிவித்துள்ளது.
வரும் 12-ந் தேதி நடிகர் கமலஹாசன் மற்றும் இயக்குனர் சங்கர் கூட்டணியில் உருவாகியுள்ள ‘இந்தியன் 2’ படமும் திரையரங்குகளில் வெளியாக உள்ளது. இவ்விரண்டு படங்களும் ஒரே நாளில் மோத உள்ளதால் ரசிகர்கள் மிகுந்த எதிர்பார்ப்புடன் காத்திருக்கின்றனர்.