இந்தியாவில் கொரோனா பரவல் குறைந்து ஊரடங்கில் தளர்வுகள் அறிவிக்கப்பட்ட பின்னர் முதன் முதலில் ஷுட்டிங் நடந்த படம் – ‘பெல்பாட்டம்’.
அக்ஷய்குமார், உளவுத்துறை அதிகாரியாக நடித்துள்ள இந்த படத்தில் வாணிகபூர், ஹுமா குரேஷி, லாரா தத்தா, உள்ளிட்ட நட்சத்திர பட்டாளம் உள்ளது.
ரஞ்சித் திவாரி டைரக்டு செய்துள்ளார்.
1980 களில் நடக்கும் கதை.
இங்கிலாந்தில் ஒரே கட்டமாக படப்பிடிப்பு நடந்தது.
தனி விமானத்தில் படக்குழுவினர் லண்டன் செல்ல, தயாரிப்பாளர் ஜாக்கி ஏற்பாடு செய்து இருந்தார்.
விண்வெளி பயணம் செல்வதை போல், நடிகர்கள் முழுக்கவச உடை அணிந்து விமானத்தில் பறந்து சென்றனர்.
இந்த படம் மே மாதம் 28 ஆம் தேதி ரிலீஸ் ஆகும் என தயாரிப்பாளர் அறிவித்துள்ளார்.
விமானத்தில் இருந்து இறங்கி, அக்ஷய்குமார் கையில் சூட்கேசுடன் ஓடும் போட்டோவையும் அவர் வெளியிட்டு, படத்துக்கு பெரும் எதிர்பார்ப்பை உருவாக்கி உள்ளார்.
– பா. பாரதி