சென்னையில் பலத்த காற்றுடன் கனமழை

சென்னை

சென்னை மற்றும் புறநகர் பகுதிகளில் பலத்த காற்றுடன் கனமழை பெய்து வருகிறது.

நேற்று மேற்கு திசை காற்றின் வேகமாறுபாடு காரணமாக சென்னை மற்றும் புறநகர் பகுதிகளில் அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் மாலை/இரவு வேளையில் இடி மின்னலுடன் கூடிய லேசானது முதல் மிதமான மழை பெய்ய வாய்ப்பு உள்ளது என்று சென்னை வானிலை ஆய்வு மையம் நேற்று தெரிவித்தது.

நேற்றிரவு முதல் சென்னையின் பல்வேறு பகுதிகளில் பலத்த காற்றுடன் கனமழை பெய்து வருகிறது. எழும்பூர், அம்பத்தூர், சாந்தோம், மயிலாப்பூர், மாதவரம், கிண்டி, மேடவாக்கம், முகப்பேர் உள்பட பல்வேறு பகுதிகளில் பலத்த காற்றுடன் கனமழை பெய்து வருகிறது.

சென்னை புறநகர் பகுதிகளிலும் பலத்த காற்றுடன் கூடிய கனமழை பெய்து வருகிறது.  இங்கு ஒரு சில இடங்களில் முன்னெச்சரிக்கை காரணமாக மின் விநியோகம் நிறுத்தப்பட்டுள்ளது.  இதனால் மக்கள் கடும் சிரமத்துக்கு உள்ளாகினர்.