மும்பை
உலகக்கோப்பை கிரிக்கெட் போட்டியைக் காண சச்சின் டெண்டுல்கருக்கு கோல்டன் டிக்கட் வழங்கப்பட்டுள்ளது.
வரும் அக்டோபர், நவம்பர் மாதங்களில் இந்தியாவில் 50 ஓவர் உலகக்கோப்பை தொடர் நடைபெற உள்ளது. இதில் இந்தியா, பாகிஸ்தான், இங்கிலாந்து, நியூசிலாந்து, ஆஸ்திரேலியா உள்ளிட்ட 10 அணிகள் கலந்து கொள்கின்றன. தொடரின் தொடக்க ஆட்டத்தில் இங்கிலாந்து – நியூசிலாந்து அணிகள் அகமதாபாத்தில் மோத உள்ளன.
இந்திய அணி தனது தொடக்க ஆட்டத்தில் சென்னையில் ஆஸ்திரேலியாவைச் சந்திக்கிறது. தற்போது பிசிசிஐ இந்தியாவின் தலைசிறந்த நட்சத்திரங்களுக்கு உலகக்கோப்பை போட்டிகளை நேரில் காண கோல்டன் டிக்கெட் வழங்கி வருகிறது.
பிசிசிஐ தலைமைச் செயலாளர் ஜெய் ஷா உலகக்கோப்பை மட்டைப்பந்து போட்டியை நேரில் காண முன்னாள் இந்திய கிரிக்கெட் வீரர் சச்சினுக்கு கோல்டன் டிக்கெட் வழங்கி உள்ளார் . பிசிசிஐ இதைத் தனது எக்ஸ் தளத்தில் தெரிவித்துள்ளது. கோல்டன் டிக்கெட்டை சச்சினுக்கு ஜெய் ஷா வழங்கும் புகைப்படத்தை பதிவிட்டுள்ளது.