புதிய த.செ: தலையாட்டி பொம்மை அல்ல, இந்த தஞ்சைக்காரர்!

நியூஸ்பாண்ட்:

சமீப நாட்களாகவே தமிழகத்தில் “அதிரடி” செய்திகளாகவே வந்தபடி இருக்கின்றன. நேற்று, தலைமைச் செயலாளர் ராம்மோகன்ராவ் வீட்டில் வருமானவரி துறையினர் அதிரடி சோதனை. இன்று அவர் அதிரடி நீக்கம். அதோடு, புதிய தலைமைச் செயலாளராக கிரிஜா வைத்தியநாதன் அதிரடி நியமனம்.
யார் இந்த கிரிஜா வைத்தியநாதன்?
1959 தஞ்சையில் பிறந்த கிரிஜாவுக்கு சிறு வயதில் இருந்தே படிப்பில் சிறந்து விளங்கினார்.  இந்தியாவில் புகழ் பெற்ற கல்வி நிறுவனமான  ஐஐடியில் படித்து பட்டம் பெற்றார்.  நலவாழ்வு மற்றும் பொருளாதாரம் என்ற தலைப்பில் முனைவர்  பட்டம் பெற்றார்.
1981ம் ஆண்டு பணியில் சேர்ந்த கிரிஜாவின் பதவிக்காலம்,, 2019 வரை  இருக்கிறது.
சுகாதாரத்துறையில் தொடர்ந்து 15 ஆண்டுகள் செயலாளராக பணியற்றியவர் இவர்.
தலைமைச் செயலாளராக மட்டுமல்லாமல்,  நிர்வாக சீர்திருத்தம் மற்றும் கண்காணிப்பு ஆணையர் பதவிகளையும் கூடுதலாக கவனிப்பார் என்று அறிவிக்கப்பட்டுள்ளது.
இவரது தந்தை வெங்கட ரமணன், ரிசர்வ் வங்கி கவர்னராக 1990 முதல் 1992 வரை இருந்தார்  என்பது குறிப்பிடத்தக்கது..