புவனேஸ்வர்: வாக்குப்பதிவு நாளுக்கும் இறுதி வாக்குப்பதிவுக்கும் இடையே இடையே 30% வித்தியாசம் இருப்பதாக, தேர்தல் ஆணையத்தில் ஒடிசா மாநிலத்தில் ஆட்சியை இழந்த பிஜுஜனதாதளம் குற்றம் சாட்டி மனு அளித்துள்ளது. அதாவது மக்களவை மற்றும் சட்டப்பேரவை தேர்தல்களுக்கு இடையே நடைபெற்ற வாக்குப்பதிவுல் 15 சதவிகிதம் முதல் 30 சதவிகிதம் விரை வித்தியாசம் இருப்பதாக குற்றம் சாட்டி உள்ளது.
“நாங்கள் EVM பற்றி கேள்வி கேட்கவில்லை, EVM ஒரு அங்கமாக இருக்கும் தேர்தல் செயல்முறையை நாங்கள் கேள்விக்குள்ளாக்குகிறோம்,” என்று தெரிவித்துள்ளது. “ECIயின் தேர்தல் நடத்தை எப்போதும் நியாயமாகவும், வெளிப்படைத்தன்மையுடனும் இருக்கும் என்று எதிர்பார்க்கப்படுகிறது. எவ்வாறாயினும், ECI வழங்கிய தரவுகளின் அடிப்படையில், பல்வேறு தேர்தல் அதிகாரிகளால் வழங்கப்பட்ட தரவுகளில் சில கடுமையான முரண்பாடுகளை BJD அடையாளம் கண்டுள்ளது, ”என்று ECI க்கு சமர்ப்பிக்கப்பட்ட கடிதம் மனுவில் தெரிவித்துள்ளது.
147 இடங்களை கொண்ட ஒடிசா மாநில சட்டமன்ற தேர்தல் கடந்த மே மாதம் 13ந்தேதி தொடங்கி ஜுன் மாதம் 1ந்தேதி வரை நடைபெற்றது வாக்கு எண்ணிக்கை ஜுன் 4ந்தேதி நடெபற்றது. இந்த தேர்தலில், பாரதிய ஜனதா கட்சி 78 இடங்களை கைப்பற்றியது. 24 காலம் ஆட்சி செய்து வந்த பிஜு ஜனதாளதம் (பிஜேடி) 51 இடங்களைப் மட்டுமே பெற்று தோல்வி அடைந்தனது. பாஜக பெரும்பான்மையான 74 இடங்களைப் பெற்றது மற்றும் இந்திய தேசிய காங்கிரஸ் 14 இடங்களைப் பெற்றது.
2024 மக்களவைத் தேர்தலிலும், மாநிலத்தில் உள்ள 21 நாடாளுமன்றத் தொகுதிகளில் 20-ஐக் கைப்பற்றி பாஜக சிறப்பாகச் செயல்பட்டது; மீதமுள்ள ஒரு இடத்தில் காங்கிரஸ் வெற்றி பெற்றது. ஆனால், சட்டமன்ற தேர்தலில் பெரும் தோல்வியை சந்தித்தது. இதன்மூலம், 1997 முதல் ஒடிசாவில் ஆட்சி செய்து வரும் பிஜு ஜனதா தளம், பாஜகவிடம் தோல்வியடைந்து, முதல்வராக இருந்த நவீன் பட்நாயக்கின் 24 ஆண்டுகால ஆட்சியை முடிவுக்கு வந்தது.
இந்த நிலையில், தேர்தல் முடிவுகள் வெளியாகி 6 மாதங்களுக்கு பிறகு, தற்போது தேர்தலில் குளறுபடிகள் இருந்ததாக, தேர்தல் ஆணையத்தில் புகார் அளித்துள்ளது. ஒடிசாவில் தோல்வியடைந்த ஆறு மாதங்களுக்குப் பிறகு, பிஜேடி தேர்தல் செயல்முறையின் நேர்மையை கேள்விக்குள்ளாக்கி உள்ளது.
ஆனால், தாங்கள் மின்னணு வாக்குப்பதிவு இயந்திரங்களுக்கு எதிரானவர்கள் அல்ல என்று தெளிவுபடுத்தியுள்ளதுடன், தேர்தல் நடைமுறையின் நேர்மையை கேள்விக்குறியாக்கியுள்ளது.
மக்களவை மற்றும் மாநிலங்களவையில் கட்சி பெரும் தோல்வியை சந்தித்த ஆறு மாதங்களுக்குப் பிறகு, பிஜேடி (பிஜு ஜனதாதளம்) கட்சியின் அமர் பட்நாயக் மற்றும் சஸ்மித் பத்ரா உள்ளிட்ட கட்சியின் மூத்த தலைவர்கள் குழு டெல்லியில் இன்று தலைமை தேர்தல் ஆணையர் மற்றும் அவரது குழுவினரை சந்தித்தது.
தேர்தல் ஆணையத்திடம் பிஜேடி அளித்துள்ள மனுவில், ஒரு சாவடியில் பதிவான மொத்த வாக்குகளுக்கும் EVM-களில் இருந்து எண்ணப்பட்ட வாக்குகளுக்கும் இடையே பெரிய இடைவெளி காணப்படுகிறது, ஏன் இந்த முரண்பாடுகள் என கேள்வி எழுப்பி உள்ளது.
மக்களவைத்தேர்தலில் பதிவான மொத்த வாக்குகளும், அதன் கீழ் வரும் சட்டமன்றப் பிரிவுகளுக்குப் பதிவான வாக்குகளின் எண்ணிக்கையும் எவ்வாறு வேறுபட்டது என்பதையும் பிஜேடி சுட்டிக்காட்டியுள்ளது.
ஒடிசாவில் முதன்முறையாக, வாக்குப்பதிவு நாள் வாக்குப்பதிவுக்கும் இறுதி வாக்குப்பதிவுக்கும் இடையிலான வாக்கு சதவீத வித்தியாசம் 15 சதவீதம் முதல் 30 சதவீதம் வரை உள்ளது.
முதல்வர் மோகன் சரண் மஞ்சி போட்டியிட்ட கியோஞ்சர் தொகுதியில், வாக்குப்பதிவு நாளில் வாக்கு சதவீதத்திற்கும், இறுதி சதவீதத்திற்கும் இடையே யான வித்தியாசம் 30.64 சதவீதமாகும்.
இந்த வேறுபாடு நாட்டிலேயே மிக அதிகமாக உள்ளது — ஒருவேளை நாட்டின் தேர்தல் வரலாற்றில் இதுவரை இல்லாத அளவுக்கு அதிகமாக இருக்கலாம் என்று கட்சி தெரிவித்துள்ளது.
அதன் தலைவர்கள், இந்த முரண்பாடு தேர்தலின் இறுதி முடிவைப் பாதிக்கும் அளவுக்கு அதிகமாக இருப்பதாகக் கூறியதுடன், அதிநவீன EVMகள் மற்றும் முட்டாள்தனமான தொலைத்தொடர்பு நெட்வொர்க்கில் இது எப்படி நடக்கும் என்று கேள்வி எழுப்பினர்.
இதுகுறித்து செய்தியளர்களிடம் பேசிய பிஜேடி கட்சி மூத்த தலைவர் அமர் பட்நாயக், வாக்கு சதவிகிதத்தில் ஏற்பட்டுள்ள முரண்பாடுகள் குறித்த தேர்தல் ஆணையத்திடம் மனு கொடுத்துள்ளோம் என்றதுடன், முரண்பாடுகளை தெளிவுபடுத்த ஆணையத்திடம் கோரிக்கை விடுத்துள்ளோம் என்றார்.
மேலும், ஏற்கனவே இரண்டு மாதங்களுக்கு முன்பு ஒடிசாவின் தலைமை தேர்தல் அதிகாரியிடம் விண்ணப்பம் செய்தோம், எங்களுக்கு படிவம் 17 தரவை வழங்குமாறு கேட்டுக்கொண்டோம் என்றவர், தங்களது கோரிக்கையை ஏற்று, “தேர்தல் ஆணையம் இந்த விஷயத்தை பரிசீலிப்பதாகவும், ஏதேனும் முரண்பாடுகள் கண்டறியப்பட்டால் நடவடிக்கை எடுக்கப்படும் என்றும் எங்களுக்கு உறுதியளித்துள்ளது. இருப்பினும், ஆணையம் அதன் பதிலுக்கான காலக்கெடு எதையும் வழங்கவில்லை என்று தெரிவித்தார்.