டெல்லி: அஸ்ஸாம், மேற்குவங்க மாநிலத்தில்இன்று காலை 7 மணிக்கு முதற்கட்ட வாக்குப்பதிவு தொடங்கியது. மக்கள் ஆர்வமுடன் வந்து வாக்குகளை செலுத்தி வருகின்றனர்.
அஸ்ஸாம் மாநிலத்தில் முதற்கட்டமாக 47 தொகுதிகளுக்கும், மேற்குவங்க மாநிலத்தில் முதல்கட்டமாக 30 தொகுதிகளுக்கும் இன்று (மார்ச் 27ந்தேதி) காலை 7 மணிக்கு வாக்குப்பதிவு தொடங்கியது. மாலை 6 மணி வரை வாக்குப்பதிவு நடைபெற உள்ளது.
இன்று வாக்குப்பதிவை முன்னிட்டு, பல வாக்குக்சாவடிகளில் பொதுமக்கள் அதிகாலையிலேயே வந்து தங்களது ஜனநாயக கடமையை ஆற்ற காத்திருந்தனர். சரியாக 7 மணிக்கு வாக்குப்பதிவு தொடங்கியது.
வாக்காளர்களுக்கு வெப்ப பரிசோதனை நடத்தப்பட்டதுடன், அவர்களுக்கு முக்கவசம், கையுறை வழங்கப்பட்டு, கொரோனா வழிகாட்டு நெறிமுறைகளுடன் வாக்குப்பதிவு நடைபெற்று வருகிறது.
வாக்குப்பதிவை முன்னிட்டு, பலத்த பாதுகாப்பு போடுப்பட்டுள்ளது.