திருவனந்தபுரம்
திருவனந்தபுரம் ஓட்டல் அறையில் பிரபல மலையாள நடிகர் திலீப் சங்கர் இறந்து கிடந்துள்ளார்.
.
மலையாள திரைப்படங்களிலும் தொலைக்காட்சி தொடர்களிலும் நடித்து பிரபலமான நடிகர் திலீப் சில தினங்களுக்கு முன்பு திருவனந்தபுரம் லாரன்ஸ் சந்திப்பு அருகே உள்ள ஓட்டலில் அறை எடுத்து தங்கியுள்ளார்.
அவர் கடந்த இரண்டு நாட்களாக அறையில் இருந்து வெளியே வரவில்லை. தே வேளையில் அவரது அறைக்குள் இருந்து துர்நாற்றம் வீசியுள்ளது. எனவே ஓட்டல் ஊழியர்கள் கதவை திறந்து பார்த்தபோது திலீப் சங்கர் தரையில் இறந்து கிடந்தார்.
உடனடியாக காவல்துறையினருக்கு தகவல் தெரிவிக்கப்பட்டது. காவல்துறையினர் விரைந்து வந்து சடலத்தைக் கைப்பற்றி விசாரணை நடத்தி வருகின்றனர்.
திலீப் சங்கர் எப்படி இறந்தார் என்ற விவரம் தெரியவில்லை. தடயவியல் நிபுணர்கள் அறையை ஆய்வு செய்து வருகின்றனர். அவர் மரணத்துக்கான காரணம் பிரேத பரிசோதனைக்கு பிறகே தெரியவரும் என்று காவல்துறையினர் தெரிவித்துள்ளனர்.