காட்டு யானைகள் மற்றும் பிற விலங்குகள் விமான நிலைய வளாகத்திற்குள் அத்துமீறி நுழைவது அதிகரித்து வருவதை அடுத்து அதை சமாளிக்க, ஹம்பாந்தோட்டாவில் உள்ள மத்தல ராஜபக்ஷ சர்வதேச விமான நிலையத்தில் (MRIA) ஒரு சிறப்பு வனவிலங்கு துறை அலுவலகத்தை நிறுவ இலங்கை அரசு ஒப்புதல் அளித்துள்ளது.
விமான நிலையப் பகுதியிலும் அதன் அணுகல் சாலைகளிலும் காட்டு யானைகள் மற்றும் பிற விலங்கினங்கள் அடிக்கடி நடமாடுவது ஒரு கடுமையான கவலையாக மாறியுள்ளது, இது பயணிகள், விமான நிலைய ஊழியர்கள் மற்றும் உள்கட்டமைப்பின் பாதுகாப்பை அச்சுறுத்துவதாகக் கூறப்படுகிறது.
இந்த சம்பவங்கள் விமான நிலைய செயல்பாடுகளை சீர்குலைத்தது மட்டுமல்லாமல், விமான நிலையம் மற்றும் விமான சேவை நிறுவனங்களுக்கு குறிப்பிடத்தக்க பழுதுபார்ப்பு செலவுகளையும் ஏற்படுத்தியுள்ளன.
இதையடுத்து, சாத்தியமான வனவிலங்கு ஊடுருவல்களை முன்கூட்டியே கண்டறிந்து சேதம் மற்றும் செயல்பாட்டு தாமதங்களைத் தடுக்க, விமான நிலைய வளாகத்திற்குள் ஒரு பிரத்யேக வனவிலங்கு அலுவலகத்தை அமைக்க சுற்றுச்சூழல் அமைச்சகம் முன்மொழிந்தது.
இதற்கு இலங்கை அமைச்சரவை ஒப்புதல் அளித்துள்ளது. புதிய அலுவலகம் வனவிலங்கு துறை மற்றும் விமான நிலைய அதிகாரிகள் இடையே ஒருங்கிணைப்பை மேம்படுத்த உதவும். இது யானைகள் போன்ற வனவிலங்குகளைத் தடுக்கவும், விமானப் பாதுகாப்பை உறுதிப்படுத்தவும் விரைவான நடவடிக்கைகள் மற்றும் நீண்டகாலத் தீர்வுகளை உருவாக்கும் என்று அதிகாரிகள் கூறுகின்றனர்.
