டெல்லி: வங்கக் கடலில் உருவாகி உள்ள யாஷ் புயல் காரணமாக, சென்னை ரயில்கள் உள்பட 25 ரெயில்களை ரத்து செய்துள்ளதாக கிழக்கு ரெயில்வே அறிவித்து உள்ளது.
‘மத்திய வங்க கடலில் உருவான குறைந்த காற்றழுத்த தாழ்வு பகுதி, ஆழ்ந்த காற்றழுத்த தாழ்வு மண்டலமாக வலுப்பெற்இன்று புயலாக மாறியது. இந்த புயலுக்கு யாஷ் புயல் என ஏற்கனவே பெயரிடப்பபட்டு உள்ளது. தற்போது புயலானது போர்ட் பிளேரில் இருந்து 600 கிமீ தொலைவில் புயல் மையம்கொண்டுள்ளது. இந்த புயலுக்கு யாஸ் என பெயரிடப்பட்டுள்ளது.
இந்த புயல் அடுத்த 24 மணி நேரத்தில் தீவிர புயலாகவும், பின்னர் அதிதீவிர புயலாகவும் மாறி வடக்கு-வடமேற்கு திசையில் நகர்ந்து வடக்கு ஒடிசா-வங்காளதேசம் இடையே 26ம் தேதி மாலையில் ஆக்ரோஷத்துடன் கரை கடக்கலாம் என்றும் வானிலை ஆய்வு மையம் தெரிவித்துள்ளது.
இந்த புயல் காரணமாக கடலோர மாவட்டங்களில் கடுமையான பாதிப்புகள் ஏற்படலாம். எனவே, தேவையான முன்னெச்சரிக்கை நடவடிக்கைள் மேற்கொள்ளப்பட்டுள்ளன. தாழ்வான பகுதிகளில் உள்ள மக்கள் வெளியேற்றப்பட்டு, பாதுகாப்பான இடங்களுக்கு அனுப்பி வைக்கப்படுகின்றனர். மீட்பு குழுக்கள் தயார்நிலையில் வைக்கப்பட்டுள்ளன.
இந்த நிலையில், 24ந்தேதி (இன்று) முதல் 29ம் தேதி வரை 25 ரெயில்களின் சேவையை ரத்து செய்வதாக கிழக்கு ரயில்வே அறிவித்து உள்ளது.
