சென்னை
கனமழை காரணமாக திருச்செந்தூர், கன்னியாகுமரி எக்ஸ்பிரஸ் ரயில் சேவையில் மாற்றம் செய்யப்பட்டுள்ளது.
அடித்து ஓய்ந்த பெஞ்சல் புயல் காரணமாக விழுப்புரம், கடலூர் மாவட்டங்களில் கொட்டித் தீர்த்த கனமழையால் ஏரி நிரம்பியதுடன், குடியிருப்பு பகுதிகளிலும் மழை நீர் சூழ்ந்து பொதுமக்கள் கடுமையாக பாதிக்கப்பட்டுள்ளனர்.
அதிகனமழை வெள்ளம் காரணமாக, சென்னை-திருச்சி தேசிய நெடுஞ்சாலை துண்டிக்கப்பட்டு உள்ளதால், போக்குவரத்து கடுமையாக பாதிக்கப்பட்டு உள்ளது.
எனவே சென்னையில் இருந்து திருச்செந்தூர் செல்லும் விரைவு ரயில் இன்று விழுப்புரத்தில் இருந்தே புறப்படும் என்று தெற்கு ரயில்வே தெரிவித்துள்ளது. சென்னையில் இருந்து மன்னார்குடி செல்லும் விரைவு ரயில் இன்று ஒரு மணி நேரம் தாமதமாக இரவு 11.55-க்கும் புறப்பட உள்ளது..
மேலும் சென்னையில் இருந்து கொல்லம், ராமேசுவரம், கன்னியாகுமரி செல்லும் விரைவு ரெயில்களும் இன்று ஒருமணி தாமதமாக புறப்படும் என அறிவிக்கப்பட்டுள்ளது.