சென்னை: திமுக வேட்பாளர்கள் பட்டியல் வரும் 10-ஆம் தேதி வெளியிடப்படும் என திமுக மாவட்ட செயலாளர்கள் கூட்டத்தில் திமுகழகத் மு.க.ஸ்டாலின் அறிவித்துள்ளார்.
தமிழக சட்டமன்ற தேர்தல் வாக்குப்பதிவு ஏப்ரல் 6ந்தேதி நடைபெற உள்ள நிலையில், திமுக தலைமையிலான கூட்டணி கட்சிகளுக்கு தொகுதிகள் ஒதுக்கீடு விறுவிறுப்பாக நடைபெற்று வருகிறது. இதற்கிடையில், திமுக சார்பில் தேர்தலில் போட்டியிடும் வேட்பாளர்கள் நேர்காணலும் நடைபெற்றுள்ளது.
இந்த நிலையில், இன்று காலை 9.00 மணி அளவில், காணொலிக் காட்சி வாயிலாக திமுக தலைவர் மு.க.ஸ்டாலின் மாவட்டக் செயலாளர்கள்/ பொறுப்பாளர்களுடன் ஆலோசனை நடத்தினார். இந்த ஆலோசனை கூட்டத்தில்,வேட்பாளர்கள் மற்றும், தேர்தல் பரப்புரை, மார்ச் 7-ல் திருச்சியில் நடைபெறும் பொதுக்கூட்டம் குறித்து ஆலேசிக்கப்பட்டது.
இதைத்தொடர்ந்து, வரும் 10-ஆம் தேதி திமுக வேட்பாளர் பட்டியல் வெளியிடப்படும் என திமுக மாவட்ட செயலாளர்கள் கூட்டத்தில் திமுகழகத் மு.க.ஸ்டாலின் அறிவித்துள்ளார்.