சென்னை
இன்று ஓடிடியில் 3 தமிழ்த் திரைப்படங்கள் வெளியாகி உள்ளன
இன்று ஓடிடி தளங்களி வெளியான 3 தமிழ்த் திரைப்படங்கள் குறித்த விவரம் இதோ
கடந்த மாதம் 24 ஆம் தேதி ஹிப் ஹாப் ஆதி நடித்த பி.டி சார் திரைப்படம் திரையரங்குகளில் வெளியானது. இப்படத்தை கார்த்திக் வேனுகோபாலன் இயக்க, பாக்யராஜ், பிரபு, பாண்டியராஜ் உள்பட பலர் முக்கிய கதாபாத்திரங்களில் நடித்தனர். அமேசான் பிரைம் வீடியோ ஓடிடி தளத்தில் தற்போது, பி.டி.சார் படம் வெளியாகியுள்ளது.
கடந்த மாதம் 10 ஆம் தேதி நடிகர் அர்ஜுன் தாஸ் கதாநாயகனாகவும் தான்யா ரவிச்சந்திரன் கதாநாயகியாகவும் நடித்த ரசவாதி திரைப்படம் திரையரங்குகளில் வெளியானது. இப்படத்தை, கடமவுனகுரு, மகாமுனி உள்ளிட்ட படங்களை இயக்கிய சாந்தகுமார் இயக்க, ரம்யா சுப்ரமணியன், ஜி.எம்.சுந்தர், சுஜித் சங்கர், ரேஷ்மா வெங்கடேஷ், ரிஷிகாந்த் உள்ளிட்ட பலர் நடித்து இருந்தனர். அமேசான் பிரைம் வீடியோ மற்றும் ஆஹா தமிழ் ஓடிடி தளத்தில் தற்போது, இப்படம் வெளியாகி உள்ளது.
கடந்த மாதம் 3 ஆம் தேதி இயக்குனர் சுந்தர்.சி இயக்கத்தில் வெளியாகி ஹிட் அடித்த திரைப்படம் அரண்மனை 4. இப்படத்தில், தமன்னா, ராஷி கன்னா, யோகி பாபு உள்ளிட்டோர் முக்கிய கதாபாத்திரங்களில் நடித்தனர். இப்படத்திற்கு ஹிப் ஹாப் ஆதி இசையமைத்தார். டிஸ்னி பிளஸ் ஹாட்ஸ்டார் ஓடிடியில் தற்போது இப்படம் வெளியாகியுள்ளது.