சேலம்: சேலம் அருகே சிலிண்டர் வெடித்து 5 வீடுகள் தரைமட்டமானதுடன், அந்த வீடுகளில் இருந்த மூதாட்டி ஒருவர் உயிரிழந்து இருப்பதாகவும் பலர் காயம் அடைந்துள்ளதாகவும் தகவல்கள் தெரிவிக்கின்றன.
சேலம் கருங்கல்பட்டி பாண்டுரங்கன் தெருவில் தீயணைப்புத் துறை ஊழியர் பத்மநாபன் என்பவர் வீட்டிலிருந்த சமையல் எரிவாயு சிலிண்டர் திடீரென வெடித்து தீ விபத்து ஏற்பட்டுள்ளதாக கூறப்படுகிறது. இதில் சம்பவத்தில், 4 வீடுகள் தரைமட்டமாகி இருப்பதாகவும், மூதாட்டி ஒருவர் சம்பவ இடத்திலேயே உயிரிழந்துள்ளார். 7 பேர் காயம் அடைந்துள்ளதாகவும் கூறப்படுகிறது.
இதுகுறித்து தகவல் அறிந்து சம்பவ இடத்திற்கு வந்த தீயணைப்பு துறையினர் மீட்புப் பணிகளில் துரிதமாக ஈடுபட்டு வருகின்றனர். விபத்தில் காயமடைந்தவர்கள் அரசு மருத்துவமனையில் சேர்க்கப்பட்டு சிகிச்சை அளிக்கப்பட்டு வருகிறது. இந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.