பெங்களூர்:
டவ்தே புயல் காரணமாக ஏற்பட்ட கனமழையில் சிக்கி கர்நாடாகாவில் 4 பேர் உயிரிழந்தனர்.
“உத்தர கன்னட, உடுப்பி, சிக்கமகளூரு மற்றும் சிவமோகா மாவட்டங்களில் சனிக்கிழமை பிற்பகுதியில் டவ்தே புயல் காரணமாக கனமழை பெய்து வருகிறது. இந்த மழையில் சிக்கி நான்கு பேர் உயிரிழந்துள்ளனர் என்று கர்நாடக மாநில இயற்கை பேரிடர் கண்காணிப்பு மையத் தலைவர் சுனில் கவாஸ்கர் தெரிவித்தார்.
முதல் சம்பவத்தில், உத்தர கன்னடத்தில் கார்வார் அருகே ஒரு மீனவர் இறந்தார். இரண்டாவது சம்பவத்தில், ஒரு விவசாயி மேற்கு கடற்கரையில் உடுப்பிக்கு அருகிலுள்ள தனது விவசாய நிலத்தில் மின்சாரம் பாய்ந்ததால் உயிரிழந்தார்.
மூன்றாவது சம்பவத்தில், சிக்கமகளூரு மாவட்டத்தில் ஒரு நடுத்தர வயது நபர் தூங்கிக்கொண்டிருந்த ஓடு-கூரை வீடு இடிந்து விழுந்து இறந்தார். நான்காவது சம்பவத்தில், மல்நாட் பிராந்தியத்தில் உள்ள சிவமொகா மாவட்டத்தில் மழையின் போது நிழலில் தஞ்சம் புகுந்தபோது ஒருவர் மின்னல் தாக்கி உயிரிழந்தார்.
மிதமான மழை மற்றும் கடுமையான காற்று காரணமாக மேற்கு கடற்கரையில் கடல் அரிப்பு ஏற்பட்டது மற்றும் பாதிக்கப்பட்ட மாவட்டங்களில் தாழ்வான பகுதிகளை மூழ்கடித்தது. தெற்கு கன்னட மாவட்டத்தில் சனிக்கிழமை முதல் பெய்த கனமழையால் சுமார் 120 வீடுகள் சேதமடைந்துள்ளன. பாதிக்கப்பட்ட மக்கள் மாவட்டத்தில் மாநில அரசு அமைத்த நிவாரண மையங்களுக்கு மாற்றப்பட்டனர்” என்றும் கவாஸ்கர் மேலும் தெரிவித்தார்.