வரும் ஆகஸ்ட் மாதம் முதுகலை நீட் தேர்வு நடக்கலாம்

டெல்லி

வரும் ஆகஸ்ட் மாதம் முதுகலை நீட் தேர்வு நடக்கலாம் எனக் கூறப்படுகிறது.

கடந்த மாதம் 23 ஆம் தேதி. முதுநிலை மருத்துவ படிப்புகளுக்கான நீட் தேர்வு நடக்க இருந்த நிலையில் அதற்கு முந்தைய நாள் இரவு, அத்தேர்வு ஒத்திவைக்கப்படுவதாக திடீரென அறிவிக்கப்பட்டது.

தற்போது, முதுநிலை நீட் தேர்வு நடத்துவதற்கான தயார்நிலை குறித்து மத்திய உள்துறை அமைச்சகமும், சுகாதாரத்துறை அமைச்சகமும் ஆலோசனை நடத்தி உள்ளன.

வரும் ஆகஸ்டு மாத நடுவில் முதுநிலை நீட் தேர்வு நடக்கக்கூடும் என்று தகவல் அறிந்த வட்டாரங்கள் தெரிவித்தன. மேலும் தேர்வு தேதி, இந்த வாரம் அறிவிக்கப்படும் என்று எதிர்பார்க்கப்படுகிறது.