தென்னிந்தியப் புத்தக விற்பனையாளர் மற்றும் பதிப்பாளர் (பபாசி) நடத்தும் 45வது புத்தக் கண்காட்சி சென்னை நந்தனம் ஒய் எம் சி ஏ மைதானத்தில் பிப்ரவரி 6ம் தேதி தொடங்கி மார்ச் 6ஆம் தேதி வரை 19 நாட்கள் நடைபெற உள்ளது. இந்த கண்காட்சி முதலமைச்சர் மு.க.ஸ்டாலின் இன்று மாலை திறந்து வைத்து புத்தக கண்காட்சியை பார்வையிட்டார்.
இன்று தொடங்கியுள்ள இந்த கண்காட்சியில் 800 அரங்குகளில் சுமார் 16 லட்சம் புத்தகங்கள் காட்சிக்கு வைக்கப்பட்டுள்ளன. கடந்த ஆண்டு கொரோனா தொற்று ஊரடங்கு காரணமாக புத்தக கண்காட்சி நடைபெறாத நிலையில், இந்த ஆண்டு புத்தக கண்காட்சி பொதுமக்களிடையே பெரும் எதிர்பார்ப்பை ஏற்படுத்தி உள்ளது.
புத்தக கண்காட்சி காலை 11 மணியிலிருந்து இரவு 8 மணி வரை செயல்பட அனுமதி வழங்கப்பட்டுள்ளது. கொரோனா முன்னெச்சரிக்கை நடவடிக்கையாக 60 வயதுக்கு மேற்பட்டோர், கர்ப்பிணி பெண்களுக்கு அனுமதி மறுக்கப்பட்டுள்ளது. அடையாள அட்டையுடன் வரும் மாணவர்களுக்கு இலவச நுழைவுச் சீட்டும் மற்றவர்களுக்கு ரூ.10 கட்டணத்தில் நுழைவுச் சீட்டும் வழங்கப்பட்டு வருகிறது பபாசி.
மேலும், Bapasi.Com என்ற இணையதளத்தை பயன்படுத்தி ஆன்லைன் மூலம் நுழைவுச் சீட்டை பெற்றுக் கொள்ளலாம் என பபாசி தெரிவித்துள்ளது.