சென்னை
இ மெயில் மூலம் சென்னை கோயம்பேட்டில் உள்ள வி ஆர் மாலுக்கு வெடிகுண்டு மிரட்டல் விடப்பட்டுள்ளது.
சென்னை நகரில் அமைந்துள்ள கோயம்பேடு மேம்பாலம் அருகே வி.ஆர். மால் உள்ளது. எப்போதும் அதிக அளவில் பொதுமக்கள் வந்து போகும் இந்த வி ஆர் மாலுக்கு இ மெயீல் மூலம் வெடிகுண்டு மிரட்டல் விடுவிக்கப்பட்டுள்ளது. இந்த வெடிகுண்டு மிரட்டலால் பரபரப்பு ஏற்பட்டுள்ளது.
இது குறித்து தகவல் அறிந்து வந்த திருமங்கலம் காவல்துறையினர் மோப்ப நாய்கள் மூலம் மாலில் சோதனை மேற்கொண்டு வருகின்றனர். வெடிகுண்டு நிபுணர்களும் மாலில் சோதனை நடத்தி வருகின்றனர்.
கடந்த மாதம் சென்னை மற்றும் கோவையில் உள்ள தனியார்ப் பள்ளிகளுக்கு இ-மெயில் மூலம் வெடிகுண்டு மிரட்டல் விடுவிக்கப்பட்ட சம்பவம் பரபரப்பை ஏற்படுத்திய நிலையில், தற்போது மாலுக்கு வெடிகுண்டு மிரட்டல் விடுவிக்கப்பட்டுள்ளது பெரும் பரபரப்பை ஏற்படுத்தி உள்ளது.