ஏற்கனவே இந்த மாத தொடக்கத்தில், நடிகையும் திரைப்பட தயாரிப்பாளருமான பூஜா பட் ஹைதராபாத்தில் நடந்த யாத்திரையில் இணைந்தார். இந்த நிலையில், தற்போது நடிகை ரியா சென்னும் கலந்து கொண்டார்.
பாரத் ஜோடோ யாத்திரை குறித்து குறித்து ஏற்கனவே டிவிட் பதிவிட்டுள்ள ரியா சென், அதில், டிவிட் பதிவிட்டுள்ள ரியா சென், பாரத் ஜோடோ யாத்ராவை “ஒற்றுமையின் நிகழ்ச்சி” என்று விவரித்திருந்தார். இந்த நிலையில், இப்போது சாலைகள் புரட்சியைக் காண்கின்றன” “திரையுலகில் இருந்து மட்டுமல்ல, ஒரு பெருமைமிக்க குடிமகனாகவும் இந்த மேடையில் ஒரு பகுதியாக இருப்பதில் மகிழ்ச்சி! என்று டிவிட் பதிவிட்டுள்ளார்.
இதுகுறித்து கருத்து தெரிவித்துள்ள ரியாசென், , “இந்த நாட்டு மக்களை ஒன்றிணைப்பதில் கவனம் செலுத்தும் முயற்சியின் ஒரு பகுதியாக ராகுலின் பாரத் ஜோடோ யாத்திரை இருப்பதற்கு நன்றி! @RahulGandhi ஒற்றுமையை வெளிப்படுத்தும் வகையில் இந்த துணிச்சலான முயற்சியை வென்றதற்கு நன்றி. #BharatJodoYatra,” என்று தெரிவித்து உள்ளார்.
இந்திய தேசிய காங்கிரஸின் அதிகாரப்பூர்வ தளத்தில் , ரியா சென், ராகுல் காந்தியுடன் 71வது நாள் பாத யாத்திரையில் பங்கேற்றபோது, அவர்களின் தொடர் படங்களைப் பகிர்ந்துள்ளது.
ராகுலின் பாத யாத்திரை இன்று படூரில் இருந்து காலை 6 மணிக்கு யாத்திரை தொடங்கி மாலையில் பாலாபூருக்குச் சென்று வெள்ளிக்கிழமை காலை புல்தானா மாவட்டத்தில் உள்ள ஷேகான் சென்றடையும். நவம்பர் 20 ஆம் தேதி மத்தியப் பிரதேசத்திற்குச் செல்கிறது.
இன்றைய பாத யாத்திரையில் கலந்துகொண்ட நடிகை ரியாசென், தமிழில் பாரதிராஜா இயக்கிய தாஜ்மஹால் படத்தில் ஹீரோயினாக நடித்தவர். பிரபல இந்தி நடிகை மூன் மூன் சென்னின் மகள் இவர். தொடர்ந்து குட்லக், அரசாட்சி உட்பட சில தமிழ்ப் படங்களில் நடித்தார். பின்னர் இந்தி, பெங்காலி படங்களில் நடித்து வந்த ரியா, இந்தி நடிகர்கள் ஜான் ஆபிரகாம், அஷ்மித் பட்டேல் ஆகியோரை காதலித்து வந்தார். பின்னர் அவர்களிடம் கருத்துவேறுபாடு ஏற்பட்டதால் பிரிந்தார். பின்னர் சிவம் திவாரி என்பவரை ரகசிய திருமணம் செய்து கொண்டார். ரியாவின் சகோதரி ரைமா சென்னும் இந்தியில் பிரபல நடிகை என்பது குறிப்பிடத்தக்கது