டெல்லி
பாஜக டெல்லியில் ஆட்சி அனைத்தல அனைவருக்கும் இலவசக் கல்வி வழங்கப்படும் என அறிவித்துள்ளது
அடுத்த மாதம் 5 ஆம் தேதி 70 உறுப்பினர்களை கொண்ட டெல்லி சட்டசபைக்கு தேர்தல் நடைபெற்று பிப்ரவரி 8 ஆம் தேதி வாக்கு எண்ணிக்கை நடைபெறும் இந்த தேர்தலில் ஆம் ஆத்மி, பா.ஜ.க., காங்கிரஸ் இடையே கடும் போட்டி நிலவுகிறது.
இந்த தேர்தலுக்காக ஆம் ஆத்மி ஒருங்கிணைப்பாளரும், டெல்லியின் முன்னாள் முதல்வருமான கெஜ்ரிவால் தீவிர பிரசாரத்தில் ஈடுபட்டு உள்ளார்.
பாஜக மூத்த தலைவர் அனுராக் தாக்கூர் வெளியிட்டுள்ள தேர்தல் அறிக்கையில்,
அரசு கல்வி நிறுவனங்களில் மழலையர் முதல் முதுகலை வரை அனைத்து மாணவர்களுக்கு இலவசக் கல்வி வழங்கப்படும்.
யுபிஎஸ்சி போன்ற போட்டித் தேர்வுகளுக்குத் தயாராவோருக்கு ரூ.15,000 உதவித் தொகை முதல் இரண்டு முயற்சிகள் வரை வழங்கப்படும்.
பீம்ராவ் அம்பேத்கர் உதவித்தொகை திட்டத்தின் கீழ், ஐடிஐ, பாலிடெக்னிக் போன்ற தொழில்நுட்பப் படிப்புகளைப் படிக்கும் பட்டியல் இனத்தைச் சேர்ந்த மாணவர்களுக்கு ஒவ்வொரு மாதமும் ரூ.1000 உதவித்தொகை வழங்கப்படும்.
ஓட்டுநர்களுக்கு ரூ.10 லட்சம் ஆயுள் காப்பீடும், ரூ.5 லட்சம் விபத்துக் காப்பீடும் வழங்கப்படும், ஆட்டோ-டாக்சி ஓட்டுநர் நல வாரியம் அமைக்கப்படும்
எனத் தெரிவிக்கப்பட்டுள்ளது.
