துபாய்: ஐசிசி வெளியிட்ட டெஸ்ட் பவுலர்களுக்கான தரவரிசையில், இந்தியாவின் அஸ்வின் 7வது இடத்திற்கு முன்னேறியுள்ளார்.
பேட்ஸ்மென்கள், பவுலர்கள், ஆல்ரவுண்டர்கள் என்று அவ்வப்போது பட்டியலை வெளியிட்டு வருகிறது ஐசிசி. அந்த அமைப்பு சமீபத்தில் வெளியிட்ட பந்துவீச்சாளர்களுக்கான பட்டியலில், இந்திய வீரர் அஸ்வின் 7வது இடத்திற்கு முன்னேறியுள்ளார்.
ஆஸ்திரேலியாவின் பாட் கம்மின்ஸ் 908 புள்ளிகளுடன் முதலிடத்திலும், இங்கிலாந்தின் ஸ்டூவர்ட் பிராட் 830 புள்ளிகளுடன் இரண்டாமிடத்திலும் உள்ளனர். இங்கிலாந்தின் ஜேம்ஸ் ஆண்டர்சன் 826 புள்ளிகளுடன் மூன்றாமிடத்திற்கு முன்னேறியுள்ளார்.
அஸ்வின் 771 புள்ளிகள் பெற்று 7வது இடத்திற்கு முன்னேறியுள்ளார். 769 புள்ளிகள் பெற்று பும்ரா 8வது இடத்தில் உள்ளார். ஆல்ரவுண்டர் தரவரிசையில், இந்தியாவின் ஜடேஜா 410 புள்ளிகளுடன் 3வது இடத்திற்கு தள்ளப்பட்டார். அவர் காயம் காரணமாக பல போட்டிகளில் தொடர்ந்து பங்கேற்கவில்லை என்பது குறிப்பிடத்தக்கது.