துபாய்: ஐசிசி வெளியிட்டுள்ள டெஸ்ட் வீரர்களுக்கான ஆல்ரவுண்டர் தரவரிசையில், இந்தியாவின் அஸ்வின் 5வது இடத்திற்கு முன்னேறியுள்ளார்.
சென்னையில் நடைபெற்ற 2வது டெஸ்ட்டில், அஸ்வினின் செயல்பாடு பிரமாதமாக இருந்ததால் அவருக்கு கூடுதல் புள்ளிகள் கிடைத்தன. அஸ்வினுக்கு 336 புள்ளிகள் கிடைத்துள்ளன.
முதலிடத்தில் விண்டீஸ் அணி வீரர் ஹோல்டர் 407 புள்ளிகளுடனும், ரவீந்திர ஜடேஜா 403 புள்ளிகளுடனும், 2வது இடத்திலும் உள்ளனர். 2வது இடத்தில் இருந்த பென் ஸ்டோக்ஸ், 2வது டெஸ்ட் போட்டியில் சரியாக விளையாடததால், தரவரிசையில் 397 புள்ளிகளுடன் 3வது இடத்துக்குச் சரிந்துள்ளார். 352 புள்ளிகளுடன் வங்கதேச வீரர் சஹிப் அல்ஹசன் உள்ளார்.
பந்துவீச்சாளர்களுக்கான தரவரிசையில் ரவிச்சந்திர அஸ்வின் தொடர்ந்து 804 புள்ளிகளுடன் தொடர்ந்து 7வது இடத்தில் நீடிக்கிறார். இந்திய வேகப்பந்துவீச்சாளர் பும்ரா 761 புள்ளிகளுடன் 8வது இடத்தில் தொடர்கிறார். முதலிடத்தில் ஆஸ்திரேலிய வீரர் கம்மின்ஸ் 908 புள்ளிகளுடன் உள்ளார்.
பேட்ஸ்மென்களுக்கான தரவரிசையில் இந்திய அணியின் கேப்டன் விராத் கோலி, சென்னையில் நடந்த 2வது டெஸ்ட் போட்டியில் அரை சதம் அடித்ததன் மூலம் 5வது இடத்திலேயே நீடிக்கிறார். வில்லியம்ஸன் 919 புள்ளிகளுடன் முதலிடத்திலும், ஸ்டீவ் ஸ்மித் 891 புள்ளிகளுடன் 2வது இடத்திலும் உள்ளனர்.