சன் பிக்சர்ஸ் தயாரிப்பில் சிவா இயக்கத்தில் ‘அண்ணாத்த’ படத்தில் நடித்து வருகிறார் ரஜினி. ஹைதராபாத்தில் நடந்துவரும் இதன் படப்பிடிப்பு தொடர்ந்து நடைபெறுமா என்ற அச்சத்தை அதிகரிக்கும் கொரோனா 2-ம் அலை ஏற்படுத்தியுள்ளது.
கொரோனா இரண்டாவது அலை இந்தியாவை தலைகீழாக புரட்டிப் போட்டிருக்கிறது.
இரவு நேர ஊரடங்கும் இன்று முதல் அமலுக்கு வருகிறது. இதனால், ஹைதராபாத் உள்ளிட்ட இடங்களில் நடப்பதாக இருந்த ரவி தேஜாவின் புதிய படத்தின் படப்பிடிப்புகள் முழுமையாக ரத்து செய்யப்பட்டுள்ளன. அதேபோல் சிரஞ்சீவி நடிக்கும் ஆச்சார்யா படத்தின் படப்பிடிப்புகளும் நிறுத்தி வைக்கப்பட்டுள்ளன.
அல்லு அர்ஜுனின் புஷ்பா படத்தை ஆகஸ்ட் 13-ம் தேதி வெளியிடுவதாக அறிவித்திருந்தனர். கொரோனா காரணமாக படப்பிடிப்பை நிறுத்த வேண்டி வந்தால் திட்டமிட்டபடி படம் வெளிவருவதில் சிக்கல் ஏற்படும் என்கிறார்கள்.
ஹைதராபாத்தில்தான் ரஜினியின் அண்ணாத்த படப்பிடிப்பும் நடந்து வருகிறது. தெலுங்குப் படங்களே படப்பிடிப்புகளை ரத்து செய்யும் நிலையில் அண்ணாத்த படப்பிடிப்பும் ரத்து செய்யப்பட அதிக வாய்ப்புள்ளது என்கிறார்கள். மேலும், இதில் நடிக்கும் ஜெகபதி பாபு, கொரோனா பாதிப்பு குறையும் வரை எந்தப் படப்பிடிப்பிலும் கலந்து கொள்ளப் போவதில்லை என்று அறிவித்திருப்பது குறிப்பிடத்தக்கது.