சென்னை
தமிழக அமைச்சர் அன்பில் மகேஷ் நல்லகண்ணு குறித்த விஜய் சேதுபதியின் கோரிக்கைக்கும் பதில் அளித்துள்ளார்’
நேற்று இந்திய கம்யூனிஸ்டு கட்சியின் மூத்த தலைவர் ஆர். நல்லக்கண்ணுவின் நூற்றாண்டு விழா சென்னை கலைவாணர் அரங்கில் கொண்டாடப்பட்டது. இதற்கான ஏற்பாடுகளை பழ நெடுமாறன் செய்திருந்தார். விழாவில் முதல்வர் மு.க ஸ்டாலின் பங்கேற்உ நல்லகண்ணு குறித்த ‘நூறு கவிஞர்கள் – நூறு கவிதைகள்’ என்ற கவிதை நூலை வெளியிட்டார்.
இதே விழாவில் கலந்துக் கொண்ட நடிகர் விஜய்சேதுபதி,
“விடுதலை போராட்ட வீரர் நல்லகண்ணுவின் வாழ்க்கை வரலாறு, பாடப்புத்தகத்தில் இடம்பெற வேண்டும். காலில் செருப்பு, தீபாவளி, பொங்கல் போனஸ், 8 மணி நேர வேலை, இதெல்லாம் நல்லகண்ணு போன்றவர்கள் ரத்தம்சிந்தி பெற்றுத் தந்தது. இது பற்றி தெரியாத பலரில் நானும் ஒருவன்; இதனால் பலனடைந்த பலர்களிலும் நானும் ஒருவன்”
என்று கோரிக்கை விடுத்திருந்தார்..
நடிகர் விஜய்சேதுபதியின் கோரிக்கைக்கு பதிலாக அமைச்சர் அன்பில் மகேஷ்0 எக்ஸ் வலைதளத்தில்,
“விடுதலைப் போராட்ட வீரர் போற்றுதலுக்குரிய நல்லகண்ணு அய்யா அவர்களின் வாழ்க்கை வரலாற்றை பள்ளி மாணவர்கள் அறிந்து கொள்ளும் நோக்கில், அவரின் வாழ்க்கை குறிப்பை பாடப்புத்தகத்தில் இணைப்பது குறித்து தமிழ்நாடு முதல்-அமைச்சர் மு.க.ஸ்டாலின் அவர்களின் ஆலோசனையைப் பெற்று முடிவு செய்யப்படும்”
என்று பதிவிட்டுள்ளார்.