சென்னை
இன்று (மே மாதம் 1 ஆம் தேதி) உழைப்பாளர் தினத்தை முன்னிட்டு தமிழக அரசியல் கட்சி தலைவர்கள் வாழ்த்துக்கள் தெரிவித்துள்ளனர்.
இன்று உலகம் எங்கும் மே தினம் என வழங்கப்படும் உழைப்பாளர் தினம் விமரிசையாக கொண்டாடப்படுகிறது. அதை ஒட்டி முதல்வர், எதிர்க்கட்சித் தலைவர் ஆகியோர் வாழ்த்துக்கள் தெரிவித்துள்ளனர். அத்துடன் அனைத்து அரசியல் கட்சித் தலைவர்களும் வாழ்த்துச் செய்திகளை அளித்துள்ளனர்.
தமிழ்நாடு காங்கிரஸ் தலைவர் திருநாவுக்கரசர், “மோடி அரசுக்கு எதிராக தொழிலாளர்கள் அனைவரும் ஓரணியில் இணைந்து போராட வேண்டியது அவசியம் ஆகும். இந்தியாவின் முன்னேற்றத்துக்காகவும் வளர்ச்சிக்காகவும் உழைத்த தொழிலாளர் வர்க்கத்தினருக்கு காங்கிரஸ் இயக்கம் சார்பாக நல்வாழ்த்துக்களை தெரிவிக்கிறேன்” என வாழ்த்து தெரிவித்துள்ளார்.
அத்துடன் மதிமுக பொதுச் செயலாளர் வைகோ, தமிழ் மாநில காங்கிரஸ் தலைவர் ஜி கே வாசன், பாமக தலைவர் ராமதாஸ், விடுதலை சிறுத்தைகள் கட்சி தலைவர் திருமாவளவன், திராவிடர் கழக தலைவர் வீரமணி, பெருந்தலைவர் மக்கள் கட்சி தலைவர் என்.ஆர்.தனபாலன், சமத்துவ மக்கள் கழகத்தின் நிறுவனத் தலைவர் ஏ.நாராயணன், புதிய நீதிக்கட்சியின் நிறுவனத் தலைவர் ஏ.சி.சண்முகம், தமிழக வாழ்வுரிமைக் கட்சி தலைவர் தி.வேல்முருகன், தமிழ்நாடு காங்கிரஸ் துணைத் தலைவர் எச்.வசந்தகுமார், உள்ளிட்ட அனைத்துக் கட்சி தலைவர்களும் மே தின வாழ்த்துகளை தெரிவித்துள்ளனர்.
இவர்களுடன் பத்திரிகை.காம் உழைப்பாளர்களுக்கு தனது மே தின வாழ்த்துக்களை தெரிவித்துக் கொள்கிறது.