ஆல் இங்கிலாந்து பாட்மின்டன் – அரையிறுதியில் தோற்று வெளியேறிய பிவி சிந்து!

பர்மிங்ஹாம்: ஆல் இங்கிலாந்து பாட்மின்டன் தொடரில், இந்தியாவின் பிவி சிந்து, அரையிறுதிப் போட்டியில் தோல்வியடைந்தார்.

இத்தொடரின் அரையிறுதிப் போட்டியில், தாய்லாந்தின் போர்ன்பவீ சோச்சுவாங் உடன் மோதினார் சிந்து. இந்தப் போட்டி மொத்தம் 45 நிமிடங்கள் நீடித்தது. இதில், முதல் செட்டை 17-21 என்ற கணக்கிலும், இரண்டாவது செட்டை 9-21 என்ற கணக்கிலும் இழந்த சிந்து, இறுதிப்போட்டியில் ஆடுவதற்கான வாய்ப்பையும் பறிகொடுத்தார்.

இதற்கு முன்பாக, கடந்த 2018ம் ஆண்டில் நடைபெற்ற இதே ஆல் இங்கிலாந்து பாட்மின்டன் தொடரில், அரையிறுதி வரை முன்னேறிய சிந்து, அதில் தோல்வியடைந்தார் என்பது குறிப்பிடத்தக்கது.

சிந்துவின் தோல்வியின் மூலம், இத்தொடரில் இந்திய நட்சத்திரங்களின் பங்களிப்பு முடிவுக்கு வந்தது.