மும்பை
அஜய் தேவ்கன் இயக்கும் படத்தில் அக்ஷய் குமார் நடிக்க உள்ளார்.
கடந்த 1 ஆம் தேதி அஜய் தேவ்கன் மற்றும் அக்ஷய் குமார் நடிப்பில் வெளியான ‘சிங்கம் அகெய்ன்’. தற்போது திரையரங்குகளில் வெற்றிகரமாக ஓடிக்கொண்டுள்ளது. இப்படத்தில் அஜய் தேவ்கன் மற்றும் அக்ஷய் குமாருடன், ரன்வீர் சிங், கரீனா கபூர், அர்ஜுன் கபூர், டைகர் ஷெராப் மற்றும் தீபிகா படுகோன் உள்ளிட்ட நட்சத்திரங்கள் நடித்துள்ளனர்.
இந்த படத்திற்கு முன்னர், அஜய் தேவ்கன் மற்றும் அக்ஷய் குமார் இருவரும் காக்கி, சூரியவன்ஷி மற்றும் சுஹா ஆகிய படங்களில் ஒன்றாக நடித்திருக்கிறார்கள். இப்படத்திற்கு பிறகு மீண்டும் இருவரும் மற்றொரு படத்தில் இணைய உள்ளனர் ஆனால் இம்முறை நடிகராக இல்லை, இயக்குனராக அஜய் தேவ்கன் அப்படத்தில் பணிபுரிய உள்ளார்.
சமீபத்தில் நடந்த நேர்காணல் ஒன்றில் அஜய் தேவ்கன் இதனை தெரிவித்திருக்கிறார். ஏற்கனவே அஜய் தேவ்கன் இதற்கு முன்னர், போலா, ரன்வே 34, சிவாய் மற்றும் யூ மீ அவுர் ஹம் ஆகிய படங்களை இயக்கி இருக்கிறார் என்பது குறிப்பிடத்தக்கது.